టాలీవుడ్ స్టార్ ప్రొడ్యూసర్ దిల్ రాజు కరోనా బారిన పడినట్లుగా ప్రచారం మొదలైంది. మొన్న శుక్రవారం నాడు పవర్ స్టార్ పవన్ కళ్యాణ్ హీరోగా నటించిన వకేల్ సాబ్ సినిమా దిల్ రాజు నిర్మించిన సంగతి తెలిసిందే.. ఈ సినిమా ప్రమోషన్స్ కోసం ఆయన చాలా రోజుల నుంచి బయట తిరుగుతూనే ఉన్నారు. తాజాగా ఆయన కు స్వల్ప లక్షణాలు బయటపడడంతో కరోనా టెస్ట్ చేయించుకోగా కరోనా పాజిటివ్ అని తేలిందని ప్రచారం జరుగుతోంది. దీంతో వెంటనే ఆయన తన భార్యతో సెల్ఫ్ ఐసోలేషన్ లోకి వెళ్లినట్లు సమాచారం.. ప్రస్తుతం ఆయన కావలసిన వైద్య సహాయం తీసుకుంటున్నారని సమాచారం.

. దాదాపు రెండు వారాల నుంచి అయినా వకీల్ సాబ్ సినిమా ప్రమోషన్స్ కోసం బయట తిరుగుతూనే ఉన్నారు బహుశా ఎక్కడో ఈ కరోనా వైరస్ సోకి ఉండవచ్చని తెలుస్తోంది. ఇక తనతో కొద్దిరోజులుగా ట్రావెల్ చేసిన అందరినీ కరోనా టెస్ట్ చేయించుకోవాల్సిన దిల్ రాజు కోరినట్లు సమాచారం. ఈ నేపథ్యంలో నిన్న రాత్రి వకీల్ సాబ్ సక్సెస్ మీట్ లో కూడా ఆయన కనిపించలేదు.. దీంతో ఈ అంశం ఈ ప్రచారానికి మరింత ఊతం ఇచ్చినట్లయింది. నిజానికి ఈ సినిమా విడుదల కంటే ముందు ఈ సినిమాలో కీలక పాత్రలో నటించిన నివేదా థామస్ కు కరోనా పాజిటివ్ అని తేలింది. 

దీంతో కొద్ది రోజుల పాటు ఆమె ఐసోలేషన్ లోకి వెళ్ళింది. నెగిటివ్ అని తేలడంతో థియేటర్ కి వెళ్లి సినిమా చూసి నెటిజన్ల ఆగ్రహానికి గురైంది. ఆ విషయం పక్కన పెడితే దిల్ రాజు పవన్ కళ్యాణ్ తో వకీల్ సాబ్ సినిమా చేసి తన చిరకాల కోరికను నెరవేర్చుకున్నాడు. ఈ సినిమాకి ఆంధ్రప్రదేశ్ లో కలెక్షన్లు కాస్త తక్కువగానే ఉన్నా మిగతా చోట్ల బాగానే ఉన్నాయి అనే టాక్ వినిపిస్తోంది. ఇక దిల్ రాజు బ్యానర్ నుంచి కాబోతున్న పాగల్ సినిమా వచ్చే నెల ఒకటో తారీకున విడుదల కావాల్సి ఉంది. థియేటర్లకు ఎలాంటి ఆంక్షలు విధించకుండా ఉంటే మే 1 వ తేదీన ఆ సినిమా రిలీజ్ అవుతుంది.