ఇక సీఎం జగన్ కూడా పర్యటనకు రెడీ అవ్వడం చివరి నిమిషంలో క్యాన్సి ల్ చేసుకోవడం కూడా జరిగాయి. చిత్తూరు, నెల్లూరు జిల్లాల్లో భారీగా పెరుగుతున్న కరోనా కేసుల ప్రభావం తిరుపతి ఉపఎన్నిక పోలింగ్ పై చూపుతుందన్న ఆలోచనతో పార్టీలున్నట్లు తెలుస్తోంది.

ప్రస్తుతం చిత్తూరు జిల్లాలో రాష్ట్రంలోనే అత్యధికంగా యాక్టివ్ కేసులున్నాయి. రోజువారీ పాజిటివ్ కేసుల్లోనూ చిత్తూరు జిల్లానే టాప్ ప్లేస్ లో నిలుస్తోంది. ఇక కపోనా పాజిటివిటీ రేటు అత్యధికంగా ఉన్న జిల్లాల్లో నెల్లూరు కూడా ఉంది. పట్టణప్రాంతాల కంటే రూరల్ ప్రాంతాల్లోనే అత్యధిక కేసులు నమోదవుతుండటంతో ఆందోళన కలిగిస్తోంది. ఎన్నికల ప్రచారం సందర్భంగానే పలువురు నేతలు కరోనా బారిన పడుతున్నారు. 

ఉప ఎన్నికల సమయానికి కరోనా తీవ్రత ఇలానే ఉంటే ఆంక్షలు విధించాలని సర్కార్ భావిస్తుంది.ఇప్పటికే భారీ మెజారిటీనే తమ లక్ష్యమని వైసీపీ ప్రచారం చేసుకుంటోంది. 5 లక్షల మెజారిటీ సాధిస్తామని.. అదే సీఎం జగన్ పెట్టిన టార్గెట్ అని వైసీపీ నేతలు చెప్తున్నారు. ఈ నేపథ్యంలో పోలింగ్ శాతం తగ్గితే భారీ మెజారిటీ సాధిస్తామన్న వైసీపీ ఆశలకు గండిపడినట్లే. ఇక ఈ పరిస్థితి టీడీపీకి కూడా కష్టమే. పోలింగ్ శాతం తగ్గితే అధికార పార్టీకి గట్టిపోటీనివ్వావలన్న ఆశలు గల్లంతవుతాయి. గెలిచినా, గెలవకపోయినా ఢీ అంటే ఢీ అనేలా ఓట్లు సాధించాలని టీడీపీ భావిస్తోంది. మరోవైపు జనసేన, బీజేపి కూడా అదే ఆలోచనలో ఉన్నారు. ఏది ఏమైనా ఈ సస్పెన్స్ కు తెర పడాలంటే ఈ నెల 17 వరకు ఎదురు చూడాల్సిందే..