'ఆయుధమైనా... అమ్మాయి అయినా... సిద్ధుడి చేతిలో ఒదిగిపోతుంది. ఆచార్య‌ ఉగాది శుభాకాంక్షలు' అని ఈ పోస్టర్ కి ఒక క్యాప్షన్ జతచేశారు. ప్రస్తుతం ఈ రొమాంటిక్ పోస్టర్ నెట్టింట వైరల్ అవుతుంది. రామ్ చరణ్ పూజ హెగ్డే నడుము పట్టుకొని ఆమె కళ్ళల్లోకి తీక్షణంగా చూస్తున్న ఈ పోస్టర్ వారి లవ్ ట్రాక్ పై అంచనాలను పెంచుతోంది. ఈ సినిమాలో రామ్ చరణ్ సిద్ధ పాత్రలో నటిస్తుండగా.. పూజా హెగ్డే నీలాంబరి పాత్రలో కనిపించనున్నారు. అయితే పూజాహెగ్డే పాత్ర కేవలం ఇరవై నిమిషాలు మాత్రమే ఉండనుందని సమాచారం. సెకండ్ ఆఫ్ లో ఫ్లాష్ బ్యాక్ లో పూజా హెగ్డే ఇరవై నిమిషాలపాటు కనిపించనున్నారట. 20 నిమిషాల్లో చరణ్, పూజ మధ్య కొనసాగే రొమాంటిక్ సన్నివేశాలు అమాంతం హత్తుకుంటాయని తెలుస్తోంది.

మొదటి సారిగా చిరంజీవి, రామ్ చరణ్ కలిసి ఎక్స్టెండెడ్ రన్ టైమ్ లో నటించబోతుండగా.. మెగా అభిమానుల్లో భారీ అంచనాలు నెలకొన్నాయి. ఇటీవల రామ్ చరణ్ బర్త్ డే సందర్భంగా చిరంజీవి, రామ్ చరణ్ నక్సలైట్ల అవతారంలో కలసి ఉన్న పోస్టర్ ఒకటి విడుదలయ్యి నెట్టింట వైరల్ అయింది. అయితే పోస్టర్ ని బట్టి చూస్తుంటే హీరో రామ్ చరణ్ పాత్రలు బాగా ఎలివేట్ చేయబోతున్నారని తెలుస్తోంది. మ్యాట్నీ ఎంటర్టైన్మెంట్స్ బ్యానర్ తో కలిసి కొణిదెల ప్రొడక్షన్స్ బ్యానర్ పై ఈ చిత్రాన్ని రామ్ చరణ్ నిర్మిస్తున్నారు. మణిశర్మ సంగీత బాణీలు సమకూరుస్తుండగా.. మెగాస్టార్ చిరంజీవి సరసన కాజల్ అగర్వాల్ కనిపించనున్నారు.

"షడ్రుచుల సమ్మేళనం మా ‘సిద్ధ, నీలాంబరి’ల ప్రేమ.. అందరికీ ఉగాది శుభాకాంక్షలు" అంటూ కొర‌టాల శివ కూడా పండుగ సందర్భంగా ఆచార్య సినిమా నుంచి పోస్టర్ ట్విట్ట‌ర్ లో షేర్ చేశారు.