అయితే కరోనా కోరలు చేస్తున్న నేపథ్యంలో చిరంజీవి సినిమా షూటింగ్ వాయిదా వేయాలని కోరడంతో దర్శకనిర్మాతలు వాయిదా వేసినట్లు సమాచారం. ఇక మరో పక్క చిరంజీవి హీరోగా తెరకెక్కుతున్న ఆచార్య సినిమా కూడా మే 13న రిలీజ్ చేయాల్సి ఉంది. అయితే ప్రస్తుతం కరోనా కేసులు భారీగా విజృంభిస్తున్న నేపథ్యంలో ఈ సినిమా కూడా వాయిదా పడే అవకాశం కనిపిస్తోంది. ఎందుకంటే ఇప్పటికే రెండు సినిమాలు తమ రిలీజ్ వాయిదా వేసుకున్నాయి. నాగచైతన్య సాయి పల్లవి హీరోయిన్ గా నటించిన లవ్ స్టోరీ సినిమా 16 వ తారీఖున కావాల్సి ఉంది.

 అయితే కరోనా కేసులు విజృంభిస్తున్న కారణంగా సినిమా విడుదల వాయిదా వేశారు. ఇక నాని హీరోగా నటిస్తు శివ నిర్వాణ దర్శకత్వంలో తెరకెక్కిన టక్ జగదీష్ సినిమా కూడా ఈ నెల 23వ తేదీన విడుదల కావాల్సి ఉంది కానీ కరోనా కేసులు విజృంభిస్తున్న కారణంగా ఆ సినిమా కూడా రిలీజ్ వాయిదా పడింది. ఇక దాదాపు రిలీజ్ డేట్ ఖరారు చేసుకున్న సినిమాలు అన్నీ వాయిదా పడే అవకాశాలు ఉన్నాయి అనే వార్తలు ఫిల్మ్ నగర్ లో జోరుగా వినిపిస్తున్నాయి. ఆచార్య వాయిదా పడితే లూసిఫర్ రీమేక్ షూటింగ్ కు కూడా సమయం ఉంటుంది కాబట్టి ప్రస్తుతానికి రిస్క్ చేసి షూటింగ్ చేయడం కంటే రెస్ట్ తీసుకోవడం మేలు అని చిరంజీవి భావిస్తున్నట్లు సమాచారం.