టీజర్ లో కనిపించిన సన్నివేశాల గురించి చర్చిస్తే.. ఓపెనింగ్ సీన్ లో ఓ హార్బర్‌ను కనిపిస్తుంది.. అలానే రవితేజ జైలులో అటువైపు తిరిగి కూర్చుని ఖైదీ జీవితాన్ని అనుభవిస్తున్నట్టు కనిపించింది. ఆ తర్వాత నవ్వుతూ డింపుల్ హయతి కనిపిస్తారు. పెద్ద లారీ కంటెయినర్లలో ఏదో అక్రమంగా సరఫరా అవుతున్నట్టు దృశ్యాలు కనిపించాయి. రవితేజ కత్తి పట్టుకుని రౌడీలను చంపడం.. కొందరు దుండగులు ఒక బాలిక వెంటపడడం.. ఆ బాలికను కాపాడేందుకు రవితేజ ఉరుకులు పరుగులు పెట్టడం.. ఆ తర్వాత సీన్ లో సూట్ బూటు లో కళ్లద్దాలతో స్టైలిష్ గా కనిపించడం వంటివి ఆసక్తికరంగా అనిపించాయి. జైల్ లో ఇతర ఖైదీలతో పోట్లాడటం చూస్తుంటే దిమ్మతిరిగే యాక్షన్ సన్నివేశాలు ఉన్నాయని అర్థమవుతోంది.

ఇంకా వివరంగా టీజర్ ని పరిశీలిస్తే.. రవితేజ హీరో పెద్ద వ్యాపారం చేస్తున్నట్టు.. ఆయనకు ముఖేష్ రుషి వంటి విలన్స్ ఉన్నట్టు తెలుస్తోంది. తమిళ నటుడు ఆడిషన్ కూడా ఈ సినిమాలో కీలక పాత్ర పోషిస్తున్నారని తెలుస్తోంది. రవితేజ హీరోయిన్ డింపుల్ హయతి మెడకు తాడు బిగించి ఆమెను చంపేస్తున్నట్టు ఈ టీజర్ కనిపించింది. ఈ విధంగా చూసుకుంటే ఆమె నెగిటివ్ షేడ్స్ ఉన్న క్యారెక్టర్ లో నటిస్తున్నారని తెలుస్తోంది. టీజర్ చివర్ లో రవితేజ "పిచ్చి భావోద్వేగాలను వీడి తెలివిగా ఆటలాడితే.. మిమ్మల్ని ఎవరూ ఆపలేరు," అని ఒక పవర్ ఫుల్ డైలాగ్ వదులుతారు. దీన్నిబట్టి రవితేజ ఒక క్రూరమైన పాత్రలో నటించబోతున్నారని అర్థమవుతోంది.

ఇకపోతే రమేష్ వర్మ దర్శకత్వం వహిస్తున్న ఖిలాడీ సినిమా లో మీనాక్షి చౌదురి హీరోయిన్ గా నటిస్తున్నారు. వెన్నెల కిషోర్, అనసూయలతో పాటు తదితరులు ఈ సినిమాలో కీలక పాత్రలు పోషిస్తున్నారు.