సీఎం జగన్ చేపట్టిన సంక్షేమ పథకాలు, పాలనను చూసి తిరుపతి ప్రజలు వైసీపీకి ఓట్లు వేస్తారు అనే విశ్వాసం ఉందన్నారు. అధికారంలో లేని టీడీపీ ఎంపీలు తమ అభ్యర్ధిని తిరుపతి ప్రజలు గెలిపిస్తే టీటీడీని అభివృద్ధి చేస్తామని చంద్రబాబు అర్థం లేకుండా మాట్లాడుతున్నాడని విమర్శించారు. అధికారంలో వైసీపీ ఉన్నప్పుడు టీడీపీ టీటీడీని ఎలా అభివృద్ధి చేస్తుంది అని ఆయన ప్రశ్నించారు. 

ఇక ఒంగోలులో మంత్రి బాలినేని శ్రీనివాసరెడ్డి పలు అభివృద్ధి కార్యక్రమాలకు శంకుస్థాపన చేశారు. నగరంలోని గుంటూరు రోడ్డులో 11 కేవి విద్యుత్‌ సబ్‌ స్టేషన్‌కు ఎంపి మాగుంట శ్రీనివాసులురెడ్డితో కలిసి భూమి పూజ చేశారు. అనంతరం మంత్రి బాలినేని, ఎంపి మాగుంటలు కలిసి ఒంగోలు వ్యవసాయ మార్కెట్‌లో పంట ఉత్పత్తుల కొనుగోళ్ళను పరిశీలించారు. రైతులకు గిట్టుబాటు ధరలు లభించేలా చర్యలు తీసుకోవాలని మార్కెట్‌ కమిటి అధికారులను ఆదేశించారు.