ఎందుకంటే ఇప్పటికే 23వ తేదీన విడుదల కావాల్సిన పాన్ ఇండియా మూవీ తలైవి వాయిదా పడింది. ఇక ఈ సెకండ్ వైఫ్ కారణంగా సినిమా డేట్లు అన్ని రీచ్ అయ్యే అవకాశాలు ఉన్నాయని ఫిల్మ్ నగర్ వర్గాల్లో జోరుగా ప్రచారం జరుగుతోంది. మెగాస్టార్ చిరంజీవి హీరోగా నటిస్తున్న ఆచార్య సినిమా కూడా ఈ సెకండ్ వేవ్ కారణంగా వాయిదా పడే అవకాశం ఉందని అంటున్నారు. త్వరలోనే 2 తెలుగు రాష్ట్రాల్లోని థియేటర్లలో 50 శాతం ఆక్యుపెన్సీ నిబంధన మళ్ళీ విధించే అవకాశం ఉందని ఒకవేళ అలా చేస్తే కనుక ఆ సమయంలో ఆచార్య సినిమాను విడుదల చేయడం మంచిది కాదని నిర్మాతలు భావిస్తున్నారు అని ప్రచారం జరుగుతోంది. 

లెక్క ప్రకారం ఆచార్య సినిమా మే 13న విడుదల కావాల్సి ఉంది. ఒకవేళ ఆ రోజు విడుదల చేయలేని పరిస్థితి ఏర్పడితే దాన్ని పుష్ప విడుదల కావాల్సిన ఆగస్టు 13వ తేదీకి వాయిదా వేసే అవకాశం ఉందని అంటున్నారు. ఇక పుష్ప యూనిట్ కూడా ఇప్పటికే అసలు షూటింగ్ పూర్తి అవుతుందో లేదో షూటింగ్ పూర్తయిన గ్రాఫిక్స్ వర్క్ పూర్తి అవుతుందో లేదో అని టెన్షన్ లో ఉన్నట్లు సమాచారం. ఒకవేళ ఆచార్య వాయిదా వేసే పరిస్థితి వస్తే పుష్ప సినిమా కూడా దసరా సీజన్ కు షిఫ్ట్ అయ్యే అవకాశం ఉందని అంటున్నారు. 

నిజానికి ఈ దసరా సీజన్ కోసం ఆర్.ఆర్.ఆర్ సినిమా సిద్ధంగా ఉంది. అయితే డేట్ మాత్రం లాక్ చేసుకున్నారు కానీ ఈ సినిమా కూడా వాయిదా పడే అవకాశాలు ఉన్నాయని అంటున్నారు. దీంతో ఆర్ఆర్ఆర్  డేట్ పుష్ప తీసుకునే అవకాశం కనిపిస్తోంది. అదే గనుక జరిగితే ఆర్ఆర్ఆర్ సినిమా మళ్లీ సంక్రాంతికి విడుదలయ్యే అవకాశాలు ఉన్నాయని అంటున్నారు. ఒకవేళ ఈ యాభై శాతం ఆక్యుపెన్సీ నిబంధనలు లేకపోతే కనుక ఏమి జరుగుతుంది అనేది చూడాల్సి ఉంది.