ఫేమస్ స్టంట్ డైరెక్టర్ దిలీప్ సుబ్బరాయన్ ఈ సీన్ ని కంపోజ్ చేస్తున్నట్లు సమాచారం. ఈ యాక్షన్ ఎపిసోడ్ ఫస్టాఫ్ మొత్తానికి హైలెట్ గా ఉంటుందని చెబుతున్నారు. సాగర్ కే చంద్ర దర్శకత్వం వహిస్తున్న ఈ సినిమాకి త్రివిక్రమ్ స్క్రీన్ ప్లే మాటలు అందిస్తున్నాడు. సితార ఎంటర్ టైన్ మెంట్స్ బ్యానర్ మీద సూర్యదేవర నాగవంశీ నిర్మిస్తోన్న ఈ సినిమా మీద భారీ అంచనాలు నెలకొని ఉన్నాయి. రానా సరసన ఐశ్వర్య రాజేష్ హీరోయిన్ గా నటిస్తుందని ప్రచారం జరుగుతోంది. 

అయితే పవన్ కళ్యాణ్ సరసన సాయిపల్లవి నటించాల్సి ఉన్నా అనుకోని కారణాలతో ఆమె ఈ సినిమా నుంచి తప్పుకుంది. దీంతో పవన్ కళ్యాణ్ సరసన ఎవరు సరిపోతారు అని వెతికే పనిలో పడింది సినిమా యూనిట్. మలయాళంలో బిజు మీనన్, పృథ్వీరాజ్ సుకుమారన్ నటించిన ఈ సినిమా సూపర్ హిట్ గా నిలిచింది. ఒక మాజీ మిలిటరీ ఆఫీసర్ ఒక మారుమూల ప్రాంతానికి చెందిన పోలీస్ ఆఫీసర్ మధ్య జరిగే ఇగో వార్ నేపథ్యంలో ఈ సినిమా తెరకెక్కింది. ఇప్పటికే ఈ సినిమా మలయాళం వర్షన్ అమెజాన్ ప్రైమ్ లో అందుబాటులో ఉంది. లాక్ డౌన్ సమయంలో ఈ సినిమాను మన తెలుగు వాళ్ళు చూసేసారు కూడా. అయినా కధ నచ్చడంతో ఈ సినిమా హక్కులు కొనుక్కుని సినిమా మొదలుపెట్టారు సితార ఎంటర్టైన్మెంట్స్ వాళ్ళు.