ఆ తర్వాత ఆయన స్వరపరిచిన మగువా మగువా పాట రికార్డులు తిరగరాసింది. ఏప్రిల్ 9న విడుదలైన వకీల్ సాబ్ సినిమాతో థమన్ సత్తా ఏంటో మరొకసారి నిరూపితమయింది. ఆయన ప్రతి స్టార్ హీరోని దృష్టిలో పెట్టుకొని వారికి ప్రత్యేకించి అద్భుతమైన బ్యాక్ గ్రౌండ్ మ్యూజిక్ అందిస్తూ ప్రేక్షకులకు పూనకాలు తెప్పిస్తున్నారు.

త్రివిక్రమ్ చేయబోయే నెక్స్ట్ మూవీతో పాటు అయ్యప్పనుమ్ కొశీయుమ్ రీమేక్ మూవీకి కూడా థమన్ సంగీత బాణీలు సమకూరుస్తున్నారు. బాలకృష్ణ, బోయపాటి కాంబినేషన్ లో ముచ్చటగా మూడో సారి వస్తున్న BB3 ఈ సినిమాకి కూడా థమన్ సంగీతం అందిస్తున్నారు. బాలయ్య యాక్షన్ మూవీ కి థమన్ సంగీతం జత కావడం నిజంగా ఆసక్తికరమైన విషయమే. డిక్టేటర్ సినిమా తో వీరి కాంబినేషన్ ప్రారంభం అయ్యింది కానీ ఆ సినిమా పాటలు అంతగా ఆకట్టుకోలేదు. కానీ ఈ సారి థమన్ మంచి సంగీతం అందించడానికి రెడీ అయిపోతున్నారు.

ప్రిన్స్ మహేష్ బాబు, థమన్ కాంబో సర్కారు వారి పాట సినిమాతో మళ్ళీ రిపీట్ కాబోతోంది. ఈ విధంగా తమ చేతిలో భారీ సినిమాలు ఉన్నాయి. అయితే రీసెంట్ గా వకీల్ సాబ్ మ్యూజికల్ హిట్ తో థమన్ టాలీవుడ్ ఇండస్ట్రీలో నెంబర్ వన్ స్థానానికి ఎగబాకారని నిస్సందేహంగా చెప్పవచ్చు. దీంతో ఆయనకు మరిన్ని అవకాశాలు వచ్చే అవకాశం ఉందని నిస్సందేహంగా చెప్పుకోవచ్చు.