ఇక 1999, 2004 ఎన్నికల్లో రాపూర్ నుంచి, 2009 ఎన్నికల్లో ఆత్మకూరు స్థానం నుంచి గెలిచి వైఎస్సార్, కిరణ్ కుమార్ రెడ్డి మంత్రివర్గంలో పనిచేశారు. ఇక 2014 ఎన్నికల తర్వాత ఆనం టీడీపీలోకి వచ్చేశారు. అయితే నాలుగేళ్ళు టీడీపీలో గడిపిన ఆనం....2018లో వైసీపీలోకి వచ్చేసి. 2019 ఎన్నికల్లో వెంకటగిరి నియోజకవర్గం నుంచి పోటీ చేసి టీడీపీ అభ్యర్ధి కురుగొండ్ల రామకృష్ణపై 38 వేల ఓట్ల మెజారిటీతో గెలిచారు.

అయితే సీనియర్ నేత కావడంతో మంత్రి పదవి వస్తుందని ఆనం ఆశించారు. కానీ జగన్ నెల్లూరులో మంత్రి పదవి అనిల్ కుమార్ యాదవ్‌కు పదవి ఇచ్చారు. ఇక వైసీపీలో సీనియర్ ఎమ్మెల్యేగా ఉన్న ఆనంకు...నియోజకవర్గంలో పనులు చేసుకోవడానికి అధికారులు సహకరించడం లేదని పలుమార్లు...బహిరంగంగానే విమర్శలు చేశారు. జిల్లాలో మంత్రి అనిల్, రూరల్ ఎమ్మెల్యే కోటంరెడ్డి వర్గంతో ఆనంకు అసలు పడటం లేదని టాక్.

ఒకానొక సమయంలో ఆనం, మంత్రి అనిల్‌పైనే డైరక్ట్‌గా విమర్శలు చేసి సంచలనం సృష్టించారు. నెల్లూరు సిటీ, రూరల్‌లో జరిగిన అక్రమాలపై ప్రశ్నిస్తే వ్యక్తిగతంగా దూషిస్తున్నారని మాట్లాడారు. అయితే ఇలా పార్టీలో లుకలుకలు నడుస్తుండటంతో జగన్ క్లాస్ తీసుకున్నారు. దీంతో ఆ గొడవలు కాస్త సద్దుమణిగాయి. ఇక వెంకటగిరి నియోజకవర్గం తిరుపతి పార్లమెంట్‌లో ఉంది. ఇప్పుడు తిరుపతి ఎంపీ స్థానానికి ఉప ఎన్నిక జరుగుతుంది. ఇక ఈ ఎన్నికలో వైసీపీకి వెంకటగిరి నుంచి ఎంత మెజారిటీ వస్తుందనేది చూడాలి. ఆనం సైతం పార్టీ కోసం గట్టిగానే కష్టపడి మంచి మెజారిటీ దక్కేలా చేస్తారా? అనేది కూడా చూడాలి.

అటు వెంకటగిరిలో టీడీపీ నేత కురుగొండ్ల రామకృష్ణ కాస్త పుంజుకున్నట్లు తెలుస్తోంది. నియోజకవర్గంలో యాక్టివ్ గానే పనిచేసుకుంటున్నారు. తిరుపతి పార్లమెంట్‌లో టీడీపీ గెలుపు కోసం కష్టపడుతున్నారు. మరి చూడాలి వెంకటగిరిలో ఏ పార్టీకి మెజారిటీ వస్తుందో?