అయితే ఆంధ్రప్రదేశ్ రాష్ట్రంలో ఈ సినిమా టికెట్ రేట్లు మీద సందిగ్ధత కొనసాగుతోంది. రేట్లు పెంచుకోవడానికి వీలు లేదు అంటూ ఆంధ్రప్రదేశ్ ప్రభుత్వం జీవో జారీ చేసింది. దాని మీద కోర్టుకు వెళ్లిన థియేటర్ల యజమానులకు ఊరట లభించింది మూడు రోజుల పాటు టికెట్లు పెంచి అమ్ముకోవచ్చని హైకోర్టు ఆదేశాలు జారీ చేసింది. అయితే దీని మీద మళ్లీ హౌస్ మోషన్ పిటిషన్ దాఖలు చేయడానికి ఆంధ్రప్రదేశ్ ప్రభుత్వం ప్రయత్నాలు చేస్తున్నట్లు చెబుతున్నారు. 

ఆ సంగతి పక్కన పెడితే వకీల్ సాబ్ సినిమా అప్పుడే నెట్టింట హల్చల్ చేయడం సంచలనంగా మారింది. దాదాపు రిలీజ్ అయిన ప్రతి సినిమాను ఆన్లైన్లో పెట్టే మూవీరూల్జ్ లాంటి వెబ్ సైట్లు వకీల్ సాబ్ థియేటర్ ప్రింట్ ని కూడా తమ సైట్ లో పెట్టేశాయి. అయితే ఇది థియేటర్ ప్రింట్ కావడంతో సరైన క్లారిటీ లేదు. అయినా సరే ఈ వెబ్ సైట్స్ వల్ల పవన్ కళ్యాణ్ సినిమా కి కలెక్షన్స్ తగ్గే అవకాశాలు ఉన్నాయనే టాక్ వినిపిస్తోంది. ఈ సినిమా విషయానికి వస్తే కచ్చితంగా ఇది కోలుకోలేని షాక్ అని చెప్పక తప్పదు. ఇప్పటికే దిల్ రాజు టీం ఈ అంశం మీద దృష్టి పెట్టినట్లు సమాచారం అందుతోంది.