చాలా చోట్ల థియేటర్లలో భారీ ఎత్తున కటౌట్లు నిర్మించి పాలాభిషేకాలు కూడా చేస్తున్నారు. అయితే ఒక అభిమాని చేసిన పని మాత్రం ఇప్పుడు సోషల్ మీడియాలో సంచలనంగా మారింది. ఇంతకీ ఆ అభిమాని ఏమి చేశాడు అంటే సినిమా ఆడుతున్న నేపథ్యంలోనే ఆయన చేతి కోసుకుని ఆ వస్తున్న రక్తంతో తెర వద్దకు వెళ్ళి దాని మీద పిఎస్పీకే అంటూ రాశాడు. దానిని ఎవరో వీడియో తీసి సోషల్ మీడియాలో పోస్ట్ చేయడంతో ఇప్పుడు ఆ వీడియో సోషల్ మీడియాలో వైరల్ గా మారింది. 

నిజానికి ఇలాంటి పనులు చేయడాన్ని ఎవరూ హర్షించరు, కానీ పవన్ కళ్యాణ్ మీద అతనికి ఎంత అభిమానం ఉందో ఈ ఘటన తెలియ చెబుతోంది, ఇక నిన్న సినిమా ధియేటర్ లలో బెనిఫిట్ షోలు వేయడం లేదనే కారణంగా తెలంగాణలో ఒక థియేటర్ను దాదాపు కూల్చినంత పని చేశారు, తిరుపతిలో సైతం దాదాపు నాలుగు థియేటర్ ల మీద రాళ్ల దాడి చేసి బెంబేలెత్తించారు. మొత్తం మీద పవర్ స్టార్ పవన్ కళ్యాణ్ వకీల్ సాబ్ సినిమా ఆయన ఫ్యాన్స్ కు మాత్రం మంచి బూస్ట్ ఇచ్చిందని చెప్పవచ్చు.