ఇక వీటితో పాటు రాష్ట్రంలో ఉనికి చాటుకోవడం ప్రయత్నిస్తున్న కాంగ్రెస్ సైతం పరోక్షంగా టీడీపీకి మద్ధతు ఇస్తున్నట్లే కనిపిస్తోంది. 2018 తెలంగాణ అసెంబ్లీ ఎన్నికల్లో చంద్రబాబు, కాంగ్రెస్‌తో పొత్తు పెట్టుకుని పోటీ చేసి ఘోరంగా ఓడిపోయిన విషయం తెలిసిందే. అలాగే కేంద్ర స్థాయిలో మోదీని ఓడించాలని చంద్రబాబు, రాహుల్ గాంధీతో జట్టు కట్టారు. ఇక అక్కడ ఫెయిల్ అయ్యారు.

ఈ క్రమంలోనే కాంగ్రెస్ పార్టీ పరోక్షంగా చంద్రబాబుకు సపోర్ట్ ఇస్తూనే వస్తున్నారు. 2019 ఎన్నికల్లో టీడీపీ ఘోరంగా ఓడిపోయి ప్రతిపక్షానికి పరిమితమైన సరే, ఆ పార్టీకి మద్ధతుగా కాంగ్రెస్ ఉంటూనే ఉంది. అధికారంలో ఉన్న జగన్‌ని ఎక్కువగా టార్గెట్ చేస్తూ కాంగ్రెస్ రాజకీయాలు చేస్తోంది. కాంగ్రెస్‌లోని ప్రతి నాయకుడు జగన్‌ని విమర్శించడం చేస్తున్నారు. అసలు టీడీపీ మాదిరిగానే కాంగ్రెస్ కూడా జగన్‌ని టార్గెట్ చేసుకుని ముందుకెళుతుంది. ఆఖరికి తిరుపతి పార్లమెంట్ ఉపఎన్నికలో పోటీ చేస్తున్న కాంగ్రెస్ నాయకుడు చింతా మోహన్ సైతం, జగన్‌పై విమర్శలు చేస్తూ వెళుతున్నారు.

ఏపీ సీఎం జగన్ ఇప్పటికే 99 తప్పులు చేశారని, తిరుపతి ఉపఎన్నికలో నోట్లతో ఓట్లు కోనాలని చూస్తున్నారని ఆరోపించారు. అలాగే వైసీపీ-బీజేపీలని ఓడించాలని కాంగ్రెస్ నేతలు ప్రచారం చేస్తున్నారు. అంటే ఇక్కడ టీడీపీని ఏం అనడం లేదు. ఇక్కడ టీడీపీ గెలవడమే కాంగ్రెస్‌కు కావాలనే విధంగా రాజకీయం ఉంది. ఏదేమైనా కాంగ్రెస్ జగన్‌ని తిడుతూ, బాబుని లేపాలని చూస్తున్నట్లుంది.