అలాగే నష్టాల్లో ఉందని చెప్పి విశాఖ స్టీల్ ప్లాంట్‌ని ప్రైవేటీకరించేందుకు కేంద్ర ప్రభుత్వం సిద్ధమైంది. ఇక ఈ ప్రైవేటీకరణకు వ్యతిరేకంగా స్టీల్ ప్లాంట్ ఉద్యోగులు, పలు రాజకీయ పార్టీలు, సామాజిక నేతలు పెద్ద ఎత్తున ఉద్యమం చేస్తున్నారు. అలాగే దీనిపై ప్రధాన ప్రత్యర్ధులుగా ఉన్న వైసీపీ-టీడీపీలు ఒకరిపై ఒకరు తీవ్ర విమర్శలు చేసుకుంటూ వచ్చారు. ప్రైవేటీకరణ పాపం మీది అంటే మీది అని తిట్టుకున్నారు. కానీ కలిసికట్టుగా ఈ ప్రైవేటీకరణని ఆపే ప్రయత్నం చేయలేదు.

ఇక ఎన్నికల హడావిడి మొదలు కావడంతో దీన్ని పక్కనబెట్టేశారు. దీంతో ఈ స్టీల్ ప్లాంట్ ఉద్యమం కాస్త సైడ్‌కు వెళ్ళినట్లు కనిపించింది. పైగా దీనిపై మీడియాలో పెద్దగా చర్చలు కూడా జరగడం లేదు. అయితే తాజాగా ఈ స్టీల్ ప్లాంట్ విషయంలో వైసీపీ ఎంపీ విజయసాయిరెడ్డి టార్గెట్‌గా పవన్ కల్యాణ్ జనసేన పార్టీ వ్యూహాత్మకంగా ముందుకెళుతుంది. విజయసాయిరెడ్డి విశాఖకు పెద్ద దిక్కుగా వ్యవహరిస్తున్న విషయం తెలిసిందే. అందుకే స్టీల్ ప్లాంట్ ప్రైవేటీకరణ కూడా ఆపాల్సింది విజయసాయినే అనే విధంగా జనసేన టార్గెట్ చేసింది.

స్టీల్ ప్లాంట్ ప్రైవేటీకరణ ఆగాలంటే...ఎంపీ విజయసాయిరెడ్డి తక్షణమే పదవికి రాజీనామా చేయాలని డిమాండ్ చేస్తున్నారు. అలాగే ఉత్తరాంధ్రలో పార్టీలకు అతీతంగా ఎంపీలు, ఎమ్మెల్యేలు, మంత్రులు రాజీనామాలు చేయాలని, రాజీనామాలు చేస్తేనే కేంద్రం దిగివస్తుందని.. అప్పుడే ప్రైవేటీకరణ ఆగుతుందని జనసేన నేతలు చెబుతున్నారు. అయితే బీజేపీతో పొత్తులో ఉన్న జనసేన ఇలా విజయసాయిని టార్గెట్ చేయడం కాస్త విడ్డూరంగానే ఉంది.