వకీల్ సాబ్ ను చూసి సీఎం సాబ్ భయపడుతున్నారని, అందుకే పర్మిషన్స్ అన్నీ రద్దు చేశారని ఆయన విమర్శించారు. కావాలనే వకీల్ సాబ్ ఫాన్స్ షో రద్దు చేశారని పేర్కొన్న ఆయన ఫ్యాన్స్ షో రద్దు చేయడాన్ని తీవ్రంగా ఖండిస్తున్నామని అన్నారు.. రాజకీయాలు వేరు సినిమా వేరు అని పేర్కొన్న ఆయన నిన్నటి నుంచి తెలుగుదేశం, జనసేన, వైసీపీ అని పార్టీలతో సంబంధం లేకుండా పవన్ ఫ్యాన్స్ ఈ సినిమా స్పెషల్ షోస్ కోసం వెయిట్ చేశారని కానీ పవన్ కళ్యాణ్ మీద ఉన్న భయంతో ఆయన సినిమాలను సైతం ఆంధ్రప్రదేశ్ ప్రభుత్వం అడ్డుకుందని ఆయన విమర్శించారు. 

పవన్ కళ్యాణ్ ఒక పార్టీకి సంబంధించిన వ్యక్తి కాదని సినిమాల పరంగా ఆయన అభిమానులు అన్ని పార్టీల లో ఉన్నారని ఇలాగే చేస్తే భవిష్యత్తులో వారి ఆగ్రహానికి గురికాక తప్పదని ఆయన హెచ్చరించారు. ఇక నిన్న ఈ సినిమా రేట్ల విషయంలో కూడా ఆంధ్ర ప్రదేశ్ హైకోర్టు నిర్మాతలకు షాక్ ఇచ్చింది భారీ రేట్లు పెంచి అమ్మ కూడదని చట్టప్రకారం ఎంత రేట్లు ఉంచాలో అంతే రేట్లు ఉంచి అమ్ముకోవాలని ఆదేశించింది. ఇక ఈ సినిమాకు పలుచోట్ల మిశ్రమ స్పందన లభిస్తోంది. సరైన టాక్ రావాలి అంటే మరి కొంచెం సేపు వేచి ఉండక తప్పదు.