మళ్లీ ఎప్పుడు రిలీజ్ చేస్తారు అని డేట్ ప్రకటించలేదు కానీ కరోనా పరిస్థితి చక్కబడ్డాక విడుదల తేదీ ప్రకటిస్తామని చెప్పుకొచ్చారు.. అయితే ఈ సినిమా వాయిదా పడటంతో ఇప్పుడు మిగతా నిర్మాతలలో టెన్షన్ మొదలైంది.. నిజానికి దేశంలో వివిధ రాష్ట్రాలతో పాటు తెలంగాణ, ఆంధ్రప్రదేశ్ లో కూడా కరోనా కేసులు భారీగా పెరిగిపోతున్నాయి. ఈ నేపథ్యంలో నిన్న తెలంగాణ హైకోర్టు తెలంగాణ ప్రభుత్వానికి కొన్ని కీలక ఆదేశాలు జారీ చేసింది. లిక్కర్ షాపులు సినిమా థియేటర్ల విషయంలో ఆంక్షలు విధించాలని ప్రభుత్వాన్ని ఆదేశించింది. 

దీంతో వీలైనంత త్వరలో మళ్లీ థియేటర్లకి 50 శాతానికి తగ్గిస్తూ ప్రభుత్వం ఉత్తర్వులు జారీ చేసే అవకాశాలు ఉన్నాయని అంటున్నారు. ఈ సమాచారం ముందుగా అందడంతోనే లవ్ స్టోరీ సినిమా వాయిదా వేశారు అనే ప్రచారం ఫిల్మ్ నగర్ వర్గాల్లో జరుగుతోంది. దీంతో ఈ సినిమా తర్వాత రిలీజ్ చేయాలని భావిస్తున్న మిగతా నిర్మాతలకు టెన్షన్ పట్టుకుంది. తాము సినిమా రిలీజ్ చేయాలా ? లేక వాయిదా వేసుకోవాలా అని అందరూ బుర్రలు బద్దలు కొట్టుకుంటున్నట్టు చెబుతున్నారు. సినిమా థియేటర్స్ ఉన్న ఏషియన్ వాళ్ళే సినిమాలు వాయిదా వేస్తే మా పరిస్థితి ఏమిటి ? అనే టెన్షన్ వారిలో ఉందని అంటున్నారు.