కేవలం పవన్ అభిమానులు సినిమా అభిమానులు మాత్రమే కాక టాలీవుడ్ సెలబ్రిటీలు సైతం ఈ సినిమా కోసం ఎంతో ఆసక్తికరంగా ఎదురు చూస్తున్నారు. హైదరాబాద్ వేదికగా చాలాచోట్ల ప్రీమియర్ బెనిఫిట్ షోలు కూడా పడుతున్నాయి. ఈ సినిమా సూపర్ గా ఉందని నిర్మాత సూర్యదేవర నాగ వంశీ చెప్పుకొచ్చారు. వకీల్ సాబ్ ఖచ్చితంగా బ్లాక్ బస్టర్ హిట్ అవుతుందనే నమ్మకం ఉందని ఆయన ధీమా వ్యక్తం చేశారు. దాదాపు మూడేళ్ళ తరువాత రిలీజ్ అయిన పవన్ సినిమా సూపర్ హిట్ టాక్ తెచ్చుకోవడంతో అభిమానులు ఆనందంలో మునిగి తేలుతున్నారు. 

సినిమా టాక్ విషయం పక్కన పెడితే కోర్టు సీన్స్ లో పవన్ కళ్యాణ్ నటన వారికి పూనకాలు తెప్పిస్తోంది అని మాత్రం చెప్పవచ్చు. పొలిటికల్ స్టేజ్ మీద ఎలా అయితే పవన్ కళ్యాణ్ తన ప్రసంగాలతో రచ్చ రేపాడో అదేవిధంగా కోర్టు సీన్స్ లో కూడా ప్రత్యర్థిగా ఉన్న ప్రకాష్ రాజ్ కు చెమటలు పట్టించాడు అని అంటున్నారు. మొత్తం మీద చాలా మంది నటీనటులు ఉన్నా సరే ఈ సినిమా మొత్తం పవన్ కళ్యాణ్ వన్ షో అని అభిమానులు చెబుతూ పండుగ చేసుకుంటున్నారు.