అలాగే ఫ్యామిలీ అండ్ క్లాస్ ఆడియన్స్ కనెక్ట్ అయ్యేలా ఎమోషనల్ టచ్ కూడా భారీగా ఉందని అంటున్నారు. అందుకే ఒక పక్క అటు మాస్ ఆడియన్స్ తో పాటు ఇటు క్లాస్ ఆడియన్స్ ను కూడా ఈ సినిమా ఆకట్టుకుంటుందని అంటున్నారు. కేవలం పవన్ కళ్యాణ్ అభిమానులే కాక తెలుగు సినిమా అభిమానులు కూడా ఈ సినిమా బాగుందని కామెంట్ చేస్తున్నారు. పింక్ ఒరిజినల్ సినిమాని మక్కీకి మక్కీ కాకుండా తెలుగులో కావాల్సిన అనేక మార్పులు చేర్పులతో ఒరిజినల్ కంటెంట్ కంటే బాగా సినిమా తీశారని ప్రశంసల వర్షం కురిపిస్తున్నారు. 

దీంతో పవన్ కళ్యాణ్ అభిమానుల ఆనందానికి అవధులు లేకుండా పోతున్నాయి. మరీ ముఖ్యంగా సెకండ్ హాఫ్ విషయానికి వస్తే పవన్ కళ్యాణ్ అభిమానులకు ఇది ఒక విందు భోజనం లాంటిది అనే కామెంట్స్ వినిపిస్తున్నాయి. మొత్తం మీద పవన్ కళ్యాణ్ అభిమానులు ఈ సినిమాతో పండుగ చేసుకుంటున్నారు. దాదాపు మూడేళ్ల తర్వాత తెలుగు తెరను పలకరించిన పవన్ కళ్యాణ్ ను తెలుగు ఆడియన్స్ ఆయనను బాగా రిసీవ్ చేసుకున్నారు అనే టాక్ వినిపిస్తోంది. మొత్తం మీద ఈ సినిమా సూపర్ హిట్ కావడంతో పవన్ కళ్యాణ్ ఫ్యాన్స్ ఆనందంలో మునిగి తేలుతున్నారు.