తిరుపతి పార్లమెంట్ ఉప ఎన్నికలో జనసేన ఓటర్లు కీలకంగా కానున్నారా? అంటే ప్రస్తుతానికైతే పెద్ద కీలకం కాదనే చెప్పొచ్చు. ఎందుకంటే ఇక్కడ వైసీపీ చాలా స్ట్రాంగ్‌గా ఉంది. ఆ పార్టీ విజయం దాదాపు ఖాయమని ప్రచారం జరుగుతుంది. ఇక ఇక్కడ వైసీపీ భారీ మెజారిటీ కోసం ప్రయత్నిస్తుందని తెలుస్తోంది. ఇక వైసీపీ తర్వాత టీడీపీకి గట్టిగానే ఓట్లు పడతాయని విశ్లేషణలు వస్తున్నాయి.

అయితే ఆ ఓట్లు వైసీపీ మెజారిటీ తగ్గించేలా ఉంటాయా? లేదా? అనేదే ప్రశ్న. ఎందుకంటే 2019 ఎన్నికల్లో ఇక్కడ టీడీపీపై వైసీపీకి దాదాపు 2 లక్షలపైనే మెజారిటీ వచ్చింది. ఇప్పుడు ఆ మెజారిటీని తగ్గిస్తే వైసీపీ హవాని టీడీపీ తగ్గించినట్లే. కానీ ఇక్కడ బీజేపీ పోటీలో ఉండటం వల్ల టీడీపీకే ఎక్కువ నష్టం జరుగుతుందని అంటున్నారు. ఎందుకంటే బీజేపీ, జనసేన పొత్తులో పోటీ చేస్తుంది. ఒకవేళ జనసేన ఓట్లు గంపగుత్తగా బీజేపీకి పడితే టీడీపీకి ఓట్లు తగ్గుతాయి.

ఎందుకంటే తిరుపతిలో పవన్ కల్యాణ్ సొంత సామాజికర్గం ఓట్లు ఎక్కువగానే ఉన్నాయి. ఇక వీరిలో వైసీపీ, టీడీపీలకు సపోర్ట్ చేసేవారు ఎక్కువే. అలాగే జనసేన ఈ ఓట్లని పంచుకునే అవకాశం ఉంది. ఒకవేళ జనసేన లేకపోతే ఆ ఓట్లు టీడీపీకే పడతాయని విశ్లేషుకులు అభిప్రాయపడుతున్నారు. అంటే ఇప్పుడు బీజేపీకి జనసేన వాళ్ళు ఏ స్థాయిలో ఓట్లు వేస్తారనేది ప్రధాన ప్రశ్న. జనసేన ఓట్లు పూర్తిగా బీజేపీకి వెళితే, టీడీపీకి నష్టం జరిగి, వైసీపీకి మేలు జరుగుతుంది.

అలా కాకుండా జనసేనకు వేయాలనుకునేవారు టీడీపీకి ఓట్లు వస్తే, బీజేపీకి నష్టం జరుగుతుంది. అలాగే వైసీపీ మెజారిటీ కూడా తగ్గుతుంది. అదే సమయంలో బీజేపీకి ఓట్లు వేస్తే ఉపయోగం లేదని, వైసీపీకి ఓట్లు వేస్తే, అప్పుడు కూడా మెజారిటీ లెక్క మారుతుంది. కాబట్టి జనసైనికులు బట్టే వైసీపీకి ఎంత మెజారిటీ వస్తుందనేది ఆధారపడి ఉందని చెప్పొచ్చు. మరి చూడాలి తిరుపతి పోరులో జనసేన ఓటర్లు ఎటువైపు ఎక్కువ మొగ్గుచూపుతారో.