ప్రశాంత్ నీల్ దర్శకత్వంలో తెరకెక్కుతున్న సలార్ సినిమా షూటింగ్ షెడ్యూల్ గుజరాత్లో ఫిక్స్ చేశారు. ఈ సినిమా మొదటి షెడ్యూల్ తెలంగాణలోని సింగరేణి గనులలో జరిగిన సంగతి తెలిసిందే.. ఇక రెండవ షెడ్యూల్ గుజరాత్ లో ప్లాన్ చేసినట్లు సమాచారం. ఇక గుజరాత్లో ఈ సినిమా షూటింగ్ కోసం భారీ ఎత్తున సెట్స్ నిర్మాణం జరుగుతోందని అంటున్నారు.. ఇక్కడ కొన్ని కీలక సన్నివేశాలతో పాటు భారీ యాక్షన్ సీక్వెన్స్ కూడా తెరకెక్కించే అవకాశం ఉందని ప్రచారం జరుగుతోంది. 

కే జి ఎఫ్ లాంటి సూపర్ హిట్ సినిమా అందించిన ప్రశాంత్ నీల్ బాహుబలి లాంటి భారీ బ్లాక్ బస్టర్ అందుకున్న ప్రభాస్ కలిసి నటిస్తున్న ఈ సినిమా మీద భారీ అంచనాలు నెలకొని ఉన్నాయి. ఈ సినిమాను కేజీఎఫ్ సినిమా నిర్మించిన కన్నడ నిర్మాణ సంస్థ హోంబలే ఫిలిమ్స్ నిర్మిస్తోంది. ఇక ఈ సినిమా కాకుండా ప్రభాస్ బాలీవుడ్ లో ఆదిపురుష్ అనే సినిమా చేస్తున్న సంగతి తెలిసిందే. రామాయణం నేపథ్యంలో తెరకెక్కుతున్న ఈ సినిమాలో ప్రభాస్ రాముడిగా కనిపిస్తున్నాడు. మొట్టమొదటి బాలీవుడ్ డైరెక్ట్ సినిమా కావడమే కాక రామాయణ నేపథ్యమున్న కథ కావడంతో ఈ సినిమా మీద కూడా భారీ అంచనాలు నెలకొని ఉన్నాయి.