తెలుగు సినిమా క్రాక్ తీసేసి మరి తమిళ సినిమా మాస్టర్ కి థియేటర్స్ కేటాయించారని అప్పట్లో ఆయన సంచలన వ్యాఖ్యలు చేసి వార్తల్లో నిలిచాడు. ఈ వివాదాన్ని పరిష్కరించడానికి కొంతమంది రంగంలోకి దిగినా అది వర్కౌట్ కాకపోవడంతో దిల్ రాజు కొనే ప్రతి సినిమాకి ఈయన అడ్డం పడుతూ వస్తున్నాడు. మొన్నీమధ్య కార్తి హీరోగా తెరకెక్కిన సుల్తాన్ సినిమా ఈయనకు భారీ షాక్ ఇచ్చినట్లు తెలుస్తోంది. విషయం ఏమిటంటే ఈ సినిమా తెలుగు రైట్స్ మొత్తం ఆయనే కొనుక్కున్నాడు. ఆంధ్ర తెలంగాణ హక్కుల మొత్తం కలిపి ఏడు కోట్ల రూపాయల మేరకు చెల్లించి దక్కించుకున్నాడు.. 

అయితే ట్రేడ్ వర్గాల సమాచారం మేరకు ఈ సినిమా ఇప్పటివరకు మూడు కోట్లు మాత్రమే వసూలు చేయగలిగింది. సినిమాకి సూపర్ హిట్ టాక్ లేకపోవడంతో మరో నాలుగు కోట్లు సాధించడం అంటే కష్టమనే చెప్పాలి.. అదీకాక రేపు పవన్ కళ్యాణ్ రీ ఎంట్రీ సినిమా వకీల్ సాబ్ రిలీజ్ కానుండడంతో రెండు తెలుగు రాష్ట్రాల్లో మెజారిటీ థియేటర్లు ఆ సినిమాకి కేటాయించబడుతాయి. ఈ దెబ్బతో దాదాపు నాలుగు కోట్ల రూపాయల మేర వరంగల్ శీను నష్టపోయే అవకాశం ఉందని తెలుస్తోంది. ఇప్పుడిప్పుడే డిస్ట్రిబ్యూషన్ రంగంలోకి దిగిన ఆయనకు ఇది భారీ షాక్ అని చెబుతున్నారు ట్రేడ్ వర్గాల వారు.