అప్పట్లో రామ్ గోపాల్ వర్మ పట్టపగలు అనే పేరుతో ఒక సినిమా తెరకెక్కించాడు. హీరో రాజశేఖర్, స్వాతి దీక్షిత్, తనికెళ్ల భరణి, అనితా చౌదరి, జీవ, బెనర్జీ లాంటి నటులు కీలక పాత్రలలో నటించిన ఈ సినిమాకు ఇప్పుడు పేరు మార్చి దెయ్యం అనే పేరుతో రిలీజ్ చేస్తున్నారు. బాలీవుడ్ లో బ్రేకప్ అనే సినిమాలో రణధీర్ కు జోడిగా నటించిన స్వాతి దీక్షిత్ మా సినిమాలో రాజశేఖర్ కూతురు గా నటిస్తోందని చెబుతున్నారు. అంతేగాక పెళ్లీడుకొచ్చిన కూతురు తండ్రిగా రాజశేఖర్ నటించడమే కాక మొట్టమొదటిసారి ఆయన మేకప్ లేకుండా రియల్ గెటప్ లో కనిపించబోతున్నారు అని తెలుస్తోంది. 

ఇప్పటికే పోస్ట్ ప్రొడక్షన్ పనులు పూర్తయిన ఈ సినిమా ఈనెల 16వ తేదీన ప్రేక్షకుల ముందుకు రాబోతున్నట్లు గా ప్రకటించారు. నిజానికి ఈ మధ్య కాలంలో వర్మ సరైన సినిమా ఒకటి చేయలేదు. కొన్ని వివాదాస్పద సినిమాలు ఏమాత్రం క్వాలిటీ లేని సినిమాల్ని ఆయన తీస్తూ వచ్చాడు. దీంతో ఆయన పని అయిపొయింది అనే విమర్శలు ఉన్నాయి. అయితే అలాంటిది ఏమీ లేదని, నిరూపించుకోవడానికే ఔట్ పుట్ సరిగా రాలేదని భావించి వర్మ పక్కన పడేసిన సినిమాని మళ్ళీ రిలీజ్ చేస్తున్నాడని అంటున్నారు. మరి మరి ఈ సినిమా అయినా ప్రేక్షకులను ఆకట్టుకుంటుందా లేదా అనేది చూడాల్సి ఉంది.