అయితే తాజాగా ఈ సినిమాలో మరో స్టార్ హీరోయిన్ కూడా నటిస్తోంది అనే వార్త టాలీవుడ్ వర్గాల్లో జోరుగా ప్రచారం జరుగుతోంది. మహాభారతంలోని శకుంతలా దుష్యంతుల ప్రేమ కథను ఆధారంగా చేసుకుని ఈ సినిమాను తెరకెక్కిస్తున్నట్లుగా చెబుతున్నారు. అయితే ఈ సినిమాలో కథ ప్రకారం శకుంతల గా నటిస్తున్న సమంత కు ప్రియంవద అనే ఒక ప్రాణ స్నేహితురాలు ఉంటుందట. ముందుగా ఈ పాత్ర కోసం తెలుగు భామ ఈశా రెబ్బను తీసుకోవాలని అనుకున్నారు. అయితే ఏమైందో ఏమో తెలియదు కానీ తమిళ నటి అయిన అదితి బాలన్ ను ఈ పాత్ర కోసం తీసుకున్నట్లుగా ప్రచారం జరుగుతోంది. 

ఆమె ఇప్పటికే షూటింగ్ లో కూడా పాల్గొంటున్నట్టుగా తెలుస్తోంది. ఈ భామ తమిళంలో అరువి అనే సినిమా చేసి మంచి పేరు తెచ్చుకుంది. ఆ సినిమాలో ఆమె నటించిన పాత్ర నచ్చడంతో నే గుణశేఖర్ ఈ పాత్ర కోసం ఆమెను ఎంపిక చేసుకున్నట్లు ప్రచారం జరుగుతోంది. ఇక చాలా కాలం గ్యాప్ తీసుకున్న గుణశేఖర్ ఈ సినిమా తెరకెక్కిస్తున్న క్రమంలో సినిమా మీద మంచి అంచనాలు ఉన్నాయి. ఈ సినిమాకు గుణశేఖర్ స్వయంగా నిర్మాతగా వ్యవహరిస్తున్నారు ఆయన భార్య నీలిమ గుణా టీమ్ వర్క్స్ బ్యానర్ మీద ఈ సినిమా బాధ్యతలు చూసుకుంటున్నారు. మణిశర్మ సంగీతం అందిస్తున్న ఈ సినిమా ప్రస్తుతం షూటింగ్ శరవేగంగా జరుపుకుంటోంది.