Latest NewsNewsIndiaInternational

യു.എ.ഇയിലെ ഏറ്റവും ധനികരായ 11 പേരുടെ പട്ടിക പുറത്ത് വിട്ട് ഫോബ്‌സ്; ലിസ്റ്റിൽ 3 മലയാളികളും

ഫോബ്‌സ് പുറത്തിറക്കിയ ശതകോടീശ്വരന്മാരുടെ പട്ടിക പ്രകാരം, 63 ബില്യൺ ദിർഹം ആസ്തിയുമായി യു.എ.ഇയിലെ ധനികരിൽ ഒന്നാമനായി റഷ്യക്കാരനായ ടെലിഗ്രാം സ്ഥാപകൻ പവേൽ ദുരോവ്.

2021 ൽ ലോകത്തെ ഏറ്റവും സമ്പന്നരായ ആളുകളിൽ പതിനൊന്ന് യു.എ.ഇ നിവാസികൾ തിരഞ്ഞെടുക്കപ്പെട്ടു. ഇതിൽ രണ്ടുപേർ പുതിയ ആളുകളാണ്. ഇവർക്കെല്ലാം ചേർത്ത് 159 ബില്യൺ ദിര്ഹത്തിന്റെ ആസ്തിയാണ് ഉള്ളത്. മലയാളികളായ രവി പിള്ള, എം‌.എ യൂസഫലി, സണ്ണി വർക്കി എന്നിവരും ലിസ്റ്റിൽ ഇടം പിടിച്ചിട്ടുണ്ട്.

ഫെയ്‌സ്ബുക്കിന്റെ ഉടമസ്ഥതയിലുള്ള വാട്ട്‌സ്ആപ്പ് പുതിയ സ്വകാര്യതാ നയം പ്രഖ്യാപിച്ചതിന് ശേഷമാണ് ടെലിഗ്രാം മെസ്സേജിങ് ആപ്ലിക്കേഷൻ ജനപ്രിയമായത്. ഡുറോവിന്റെ സമ്പത്ത് വളരെയധികം വർദ്ധിക്കുന്നതിന് ഇത് കാരണമായി. ലോകമെമ്പാടും 500 ദശലക്ഷത്തിലധികം ഉപയോക്താക്കളാണ് ടെലിഗ്രാമിനുള്ളത്.

ഇതിന്റെ ഫലമായി ഡുറോവിന്റെ സമ്പത്ത് 2020 ലെ 3.4 ബില്യൺ ഡോളറിൽ നിന്ന്, ഒരു വർഷത്തിൽ 405 ശതമാനത്തിലധികം വർദ്ധിച്ച് 2021 ൽ 17.2 ബില്യൺ ഡോളറായി.

എം‌.എ യൂസഫലി, മാജിദ് അൽ ഫത്തൈം കുടുംബം, അബ്ദുല്ല അൽ ഗുരൈർ കുടുംബം, മിക്കി ജഗ്തിയാനി, രവി പിള്ള, ഹുസൈൻ സജ്‌വാനി, അബ്ദുല്ല അൽ ഫത്തൈം, തക്‌സിൻ ഷിനാവത്ര, സാകേത് ബർമൻ, സണ്ണി വർക്കി എന്നിവരാണ് പട്ടികയിൽ ഇടം പിടിച്ച മറ്റുള്ളവർ.

Related Articles

Post Your Comments


Back to top button