మొదట ప్రతిపక్ష టీడీపీకి చెక్ పెట్టేసి, నెక్స్ట్ వైసీపీని ఓడించేసి అధికారంలోకి వచ్చేయాలని కలలు కంటుంది. అందుకే బీజేపీ ఓ రేంజ్‌లో హడావిడి చేస్తోంది. ఆఖరికి జనసేనకు బలం ఉన్నా సరే తిరుపతి పార్లమెంట్ సీటులో పోటీ చేయడానికి సిద్ధమైంది. అలాగే వైసీపీ, టీడీపీలకు చెక్ పెట్టి, తిరుపతి సీటుని దక్కించుకుంటామని చెబుతోంది. అయితే తమ గెలుపు అడ్డుకోవడానికి అనేక కుట్రలు జరుగుతున్నాయని, అందులో భాగంగానే జనసేన పార్టీ గుర్తు అయిన గాజు గ్లాసుని నవతరం పార్టీ అభ్యర్ధికి కేటాయించారని మాట్లాడుతున్నారు.

ఈ గాజు గ్లాసు వల్ల పొత్తులో భాగంగా తమకు పడాల్సిన జనసేన ఓట్లు నవతరం అభ్యర్ధికి పడతాయని, కాబట్టి వెంటనే ఆ గుర్తుని రద్దు చేయాలని కేంద్ర ఎన్నికల సంఘానికి బీజేపీ ఫిర్యాదు చేసింది. అయితే ఇలా జరగడం వల్ల బీజేపీకి అంత డ్యామేజ్ జరుగుతుందా? అంటే పెద్దగా ఉండదనే చెప్పొచ్చు. ఎందుకంటే తిరుపతిలో ప్రధాన పోటీ వైసీపీ, టీడీపీల మధ్యే ఉంటుంది. అందులో ఎలాంటి అనుమానం లేదు. ఇక అధికారంలో ఉండటం, జగన్ అందించే సంక్షేమ పథకాలు బట్టి చూస్తే తిరుపతిలో వైసీపీ గెలుపు నల్లేరు మీద నడకే.

అలాగే టీడీపీ ఎంతవరకు పోటీ ఇస్తుందనేది చూడాలి. అయితే బీజేపీకి జనసేన ఓట్లు ఎంతవరకు పడతాయనేది కూడా చూడాలి. ఇక గాజు గ్లాసు ఉండటం వల్ల ఆ ఓట్లలో కాస్త చీలిక రావోచ్చు. కానీ అది పెద్ద డ్యామేజ్ జరిగే స్థాయిలో ఉండదనే చెప్పొచ్చు. ఓ రకంగా చెప్పాలంటే బీజేపీకి ఓటు వేయడానికి ఇష్టం లేని కొందరు జనసేన ఓటర్లు టీడీపీ వైపు మొగ్గు చూపే ఛాన్స్ ఉంది. ఒకవేళ వారు గనుక గాజు గ్లాసు చూసి, దానికి ఓటు వేస్తే టీడీపీకి కూడా నష్టం జరిగే ఛాన్స్ ఉంది. మొత్తానికి గాజు గ్లాస్ గుర్తు, అటు బీజేపీతో పాటు ఇటు టీడీపీకి షాక్ ఇచ్చేలా ఉంది.