ఇక ఈ ఫోటో ద్వారా శ్రీ విష్ణు కాస్త కొత్తగా కనిపిస్తున్నట్లు అర్థమవుతోంది. మునుపెన్నడూ లేని విధంగా శ్రీ విష్ణు ఈ సినిమాలో చూపించబోతున్నారు అనే టాక్ వినిపిస్తోంది. కేజిఎఫ్ రామచంద్రరాజు మెయిన్ విలన్ పాత్ర పోషిస్తున్న ఈ సినిమా మీద అంచనాలు అంతకంతకూ పెరుగుతున్నాయి. మణిశర్మ సంగీతం అందిస్తున్న ఈ సినిమాకి సాయి కొర్రపాటి నిర్మాతగా వ్యవహరిస్తున్నారు. చాన్నాళ్ల తర్వాత వారాహి చలన చిత్రం సినిమా బ్యానర్ నుంచి ఈ భళా తందనానా అనే సినిమా విడుదల కాబోతోంది. దాదాపు 12 ఏళ్ల క్రితం నారా రోహిత్ హీరోగా వచ్చిన బాణం సినిమా ఇప్పటికీ ఒక క్లాసిక్ మూవీగా నిలిచిపోయింది. ఆ తర్వాత ఆయన నిర్మాతగా మారి బ్రహ్మానందం కొడుకు తో బసంతి అనే సినిమా నిర్మించారు.

 అయితే ఈ సినిమా పెద్దగా ఆకట్టుకోలేదు. అప్పటి నుంచి ఇండస్ట్రీలో ఉన్న వారితో సంబంధాలు నెరుపుతూనే ఉన్నా ఎందుకో సినిమాలు చేయడానికి ఆసక్తి చూపలేదు. మళ్లీ ఇన్నాళ్లకు ఆయన ఆసక్తి చూపటం, ఆయన చెప్పిన కథ వెంటనే శ్రీ విష్ణుకి నచ్చడం వెంటనే సినిమాను అనౌన్స్ చేయడం వెంటవెంటనే జరిగిపోయాయి. అయితే ముందుగా ఈ సినిమాను నారా రోహిత్ కి చెందిన అరన్ మూవీస్ బ్యానర్ మీద నిర్మిస్తారని భావించారు. కానీ అనూహ్యంగా సాయి కొర్రపాటి వారాహి చలన చిత్రం బ్యానర్ తెరమీదకు వచ్చింది.