పాండిచ్చేరిలో ఉన్నదే 34 సీట్లు. ఇప్పటివరకు ఇక్కడున్నది కాంగ్రెస్ ప్రభుత్వమే. దక్షిణాదిలో ఎలాగైనా పాగా వేయాలని ఎప్పటినుండో బీజేపీ శతవిధాల ప్రయత్నిస్తున్నా కుదరటంలేదు. ఏదో అప్పుడప్పుడు కర్నాటకలో మాత్రం అధికారంలోకి వస్తు, పోతుంటుంది. ఇఫుడున్న యడ్యూరప్ప ప్రభుత్వం ఎప్పుడు పడిపోతుందో తెలీకుండా ఉంది. అందుకనే ఇంకో రాష్ట్రంలో కూడా అధికారంలోకి రావాలని గట్టిగా ప్రయత్నిస్తోంది. అయితే కేరళ, తమిళనాడు, తెలంగాణా, ఏపిలో కనుచూపులో అవకాశాలు కనబడటంలేదు. అందుకనే పాండిచ్చేరిలో కాంగ్రెస్ ప్రభుత్వంలో అస్తిరత్వాన్ని క్రియేట్ చేసింది. ఇపుడు జరుగుతున్న ఎన్నికల్లో ఎలాగైనా అధికారంలోకి రావాలనే ప్రయత్నాల్లో ఉంది. అందుకనే పాండిచ్చేరికి ప్రత్యేకహోదా అంటోంది. ఏపికి వచ్చేసరికి దేశంలో ఏ రాష్ట్రానికి హోదా ఇచ్చేది లేదని చెబుతున్న బీజేపీ పాండిచ్చేరికి మాత్రం ఎలా హామీఇచ్చింది ?