అయితే అనూహ్యంగా మేకర్స్ ఈ ఏడాది అక్టోబర్ నెలలో రిలీజ్ చేస్తామని ప్రకటించారు. ప్రకటన అయితే వచ్చింది కానీ ఈ సినిమా అప్పటికి కూడా రిలీజ్ అవుతుందో లేదో అనే టెన్షన్ అయితే నెలకొంది అంటున్నారు. దానికి కారణం విఎఫ్ఎక్స్ అని తెలుస్తోంది. సాధారణంగా రాజమౌళి సినిమా అంటేనే గ్రాఫిక్స్ వర్క్ తో కూడి ఉంటాయి. ఈ సినిమాలో కూడా భారీ ఎత్తున గ్రాఫిక్స్ ఉన్నాయి. మరీ ముఖ్యంగా రామ్ చరణ్ ఎన్టీఆర్ మధ్య వచ్చే పోరాట సన్నివేశాలలో ఈ గ్రాఫిక్స్ వర్క్ ఎక్కువగా ఉంటుంది. ఇప్పటికే ఈ గ్రాఫిక్స్ వర్క్ ను వివిధ దేశాల్లో ఉన్న నిపుణులైన వారికి అప్పగించారు. 

అయితే వాళ్లు చేసిన పనితో రాజమౌళి సంతృప్తి చెందలేదని తెలుస్తోంది. తాము భారీ బడ్జెట్ వాళ్ళకు కేటాయించినా సరే అనుకున్నంత మేర వాళ్ళు పని చేయలేదని రాజమౌళి భావిస్తున్నట్లు సమాచారం. ఆయన వారి మీద ఫైర్ కూడా అయ్యారు అని అంటున్నారు. ముతక గ్రాఫిక్స్ తో సినిమా రిలీజ్ చేసేకంటే సినిమా వాయిదా వేసి గ్రాండియర్ గ్రాఫిక్స్ తోనే సినిమా లేటుగా రిలీజ్ చేస్తేనే బెటర్ అని రాజమౌళి భావిస్తున్నాడని తెలుస్తోంది. ఇందులో నిజానిజాలు ఏ మేరకు ఉన్నాయో తెలియదు కానీ సినిమా వాయిదా పడటం మాత్రం ఖాయమని ప్రచారం జరుగుతోంది.