ఈ 3 సినిమాలను మినహాయించి రష్మిక తెలుగులో శర్వానంద్ సరసన "ఆడవాళ్లు మీకు జోహార్లు" అనే ఒక సినిమాలో హీరోయిన్ గా నటిస్తున్నారు. మహిళా ఔనత్యాన్ని చాటే కథాంశం తో రూపొందుతున్న ఈ సినిమాకి తిరుమల కిషోర్ దర్శకత్వం వహిస్తుండగా.. శ్రీ లక్ష్మి వెంకటేశ్వర సినిమాస్ బ్యానర్ ‌పై సుధాకర్ చెరుకూరి నిర్మిస్తున్నారు.

అయితే నేడు రష్మిక తన 25వ పుట్టినరోజు జరుపుకుంటున్నారు. ఈ ప్రత్యేకమైన సందర్భంగా.. మూవీ యూనిట్ రష్మిక కి సంబంధించిన ఫస్ట్ లుక్ పోస్టర్ విడుదల చేసి బర్తడే విషెస్ తెలిపింది. ఈ పోస్టర్ లో రష్మిక సాంప్రదాయమైన చీరకట్టులో చూడచక్కగా కనిపించారు. పసుపు వర్ణం చీర కట్టిన రష్మిక పూలు కడుతున్నట్టుగా ఈ పోస్టర్ లో మనం చూడొచ్చు. చీరలో రష్మిక చాలా అందంగా ఉంటారని ప్రత్యేకంగా చెప్పనక్కర్లేదు. కార్తీ హీరోగా చేసిన "సుల్తాన్" సినిమా లో కూడా ఆమె తన చీర కట్టు అందాలతో ప్రేక్షకులకు బాగా ఆకట్టుకున్నారు. ఇకపోతే ఆడవాళ్లు మీకు జోహార్లు సినిమా లో శర్వానంద్, రష్మిక మధ్య సాగే కెమిస్ట్రీ ఏ స్థాయిలో ప్రేక్షకులను ఆకట్టుకుంటుందో చూడాలి.