నేతలకు ఇష్టం ఉన్నా లేకపోయినా అందరు పార్టీ నిర్ణయానికి కట్టుబడుండాల్సిందే అని అచ్చెన్న హూంకరిస్తున్నా కొందరు లెక్క చేయటంలేదు. అచ్చెన్న వార్నింగులు వార్నింగులే తాము పోటీ చేసేది చేసేదే అన్నట్లుగా ప్రచారం చేసుకుంటున్నారు. ధైర్యంగా ప్రచారం చేసుకోలేక, అలాగని పార్టీ నిర్ణయానికి కట్టుబడుండలేక మరికొందరు సీనియర్ నేతలు+అభ్యర్ధులు అవస్తలు పడుతున్నారు. మొత్తానికి ఇక్కడ అర్ధం అవుతున్నదేమంటే చంద్రబాబు బెదిరింపులను నేతల్లో చాలామంది పట్టించుకోవటంలేదని. అందుకనే గతంలో లాగ క్రమశిక్షణ తప్పిన నేతలపై వేటు వేస్తామని, క్రమశిక్షణ చర్యలు తీసుకుంటామని మాత్రం అటు చంద్రబాబు ఇటు అచ్చెన్న హెచ్చరించలేకపోతున్నారు. తాజా పరిణామాలతో పార్టీలో ఏమి జరుగుతోందో కూడా చంద్రబాబు, చినబాబులకు అర్ధం అవుతున్నట్లు లేదు. చూద్దాం అంతిమంగా ఏమి జరుగుతుందో.