శంకర్ రాసుకున్న కథ ప్రకారం ఈ సినిమాలో మరో కీలక పాత్ర ఉంటుంది.. వేరే భాషకు చెందిన ఎవరైనా కీలక నటుడిని తీసుకోవాలని శంకర్ భావించారు. కానీ తాజాగా అందుతున్న సమాచారం మేరకు శంకర్ చిరంజీవిని తీసుకోవడానికి ఆసక్తి చూపిస్తున్నట్లు చెబుతున్నారు. నిజానికి సినిమాలో చాలా కీలకమైన ట్విస్టులు ఉన్న సమయంలో ఈ పాత్ర ఎంట్రీ ఉంటుందట.. అలాగే సినిమాలో ఇది కీలక పాత్ర అని కూడా చెబుతున్నారు.

దీంతో ఈ పాత్ర కోసం చిరంజీవిని తీసుకుంటే ఆయన న్యాయం చేస్తారని మేకర్స్ భావిస్తున్నట్లు తెలుస్తోంది. ఇప్పటికే మా సినిమాలో నటించాలి అనే కోరికను కూడా చిరంజీవి ముందు మేకర్స్ వెలిబుచ్చిన ట్లు సమాచారం. దానికి చిరంజీవి కూడా సానుకూలంగా స్పందించినట్లు తెలుస్తోంది. ఈ సినిమాలో రామ్ చరణ్ ఒక ముఖ్యమంత్రి పాత్ర పోషిస్తున్నాడు అనే ప్రచారం ముందు నుంచి జరుగుతోంది. ఆయన ముఖ్యమంత్రి పాత్ర పోషిస్తే చిరంజీవికి ఏ పాత్ర ఇస్తారు అనేది ఆసక్తికరంగా మారింది.. ఇక దిల్ రాజు నిర్మాణంలో తెరకెక్కబోయే ఈ సినిమా ఆగస్టు నెల నుంచి షూటింగ్ మొదలయ్యే అవకాశాలు కనిపిస్తున్నాయి.