నిజానికి మలయాళం సూపర్ స్టార్ మోహన్ లాల్ హీరోగా రిలీజ్ అయిన ఈ సినిమా సూపర్ హిట్ టాక్ తెచ్చుకుంది. అయితే ఈ సినిమా మొదటి భాగాన్ని కూడా వెంకటేష్ రీమేక్ చేయగా ఇప్పుడు రెండో భాగాన్ని కూడా ఆయన రీమేక్ చేస్తున్నారు. మలయాళంలో దర్శకత్వం వహించిన జీతూ జోసెఫ్ తెలుగులో కూడా దర్శకత్వం వహిస్తున్నారు.. ఇప్పటికే హైదరాబాద్, హైదరాబాద్ శివార్లలో ఒక షెడ్యూల్ షూటింగ్ పూర్తయింది. మరో షెడ్యూల్ షూటింగ్ కోసం ఈ మధ్యనే యూనిట్ అంతా కేరళ వెళ్లారు..

తాజాగా అందుతున్న సమాచారం మేరకు ఈ సినిమా షూటింగ్ రికార్డు సమయంలో పూర్తి చేయనున్నట్లు చెబుతున్నారు. దృశ్యం మొదటి భాగం లో ఎవరెవరు నటించారో వారే రెండో భాగంలో కూడా నటించే అవకాశాలు ఉన్నాయని అంటున్నారు.. సురేష్ ప్రొడక్షన్స్ నిర్మాణంలో తెరకెక్కుతున్న ఈ సినిమా మీద భారీ అంచనాలు నెలకొని ఉన్నాయి. ఇక మరో పక్క వెంకటేష్ వరుణ్ తేజ్ తో కలిసి ఎఫ్ 3 అనే సినిమా చేస్తున్నారు. అనిల్ రావిపూడి దర్శకత్వంలో గతంలో వచ్చిన ఎఫ్ 2 సినిమాకు ఇది సీక్వెల్.