అయితే ఇప్పుడు దేవిశ్రీప్రసాద్, సుకుమార్ కలసి పుష్ప సినిమా కోసం పని చేస్తున్నారు. దీంతో దేవిశ్రీప్రసాద్ ఎటువంటి మ్యూజిక్ అందించానున్నారనే దానిపై ఆసక్తి నెలకొంది. ఈ నేపథ్యంలోనే పుష్పరాజ్ పాత్రకు సంబంధించిన ప్రేలూడ్ (పరిచయ భాగము) విడుదల అయింది. అల్లు అర్జున్ అభిమానులు పుష్ప సినిమాకి సంబంధించిన అప్ డేట్స్ ఇవ్వాలని ఒత్తిడి చేస్తుండడంతో మైత్రి మూవీ మేకర్స్ తాజాగా ప్రేలూడ్ ఆఫ్ పుష్పరాజ్ పేరిట 19 సెకండ్ల నిడివిగల ఒక వీడియో క్లిప్ విడుదల చేశారు.

అయితే ఈ వీడియో క్లిప్ లో వినిపించిన బ్యాగ్రౌండ్ మ్యూజిక్ పూనకాలు తెప్పిస్తోంది. దీనితో మళ్లీ సుకుమార్ సినిమాకి దేవిశ్రీప్రసాద్ అదిరిపోయే మ్యూజిక్ సమాకురుస్తున్నారని స్పష్టమవుతోంది. ఇప్పటికే ప్రేక్షకులు దేవి శ్రీ ప్రసాద్ సంగీతం గురించి సీరియస్ డిస్కషన్స్ చేస్తున్నారు. అల్లు అర్జున్ ఊర మాస్ క్యారెక్టర్ ని ఎలివేట్ చేసేందుకు దేవిశ్రీ ఎంతటి బ్రహ్మాండమైన సంగీతం అందిస్తున్నారనేది ఏప్రిల్ 7న సాయంత్రం 6 గంటల 12 నిమిషాలకు తెలుస్తుంది. ఆ సమయానికి పుష్పరాజ్ క్యారెక్టర్ ఇంట్రో వీడియో విడుదల అవుతుంది. ఆ వీడియోలో దేవిశ్రీప్రసాద్ బ్యాగ్రౌండ్ మ్యూజిక్ సత్తా ఏంటో తెలిసే అవకాశం ఉంది.