అలా మొదటి సారి రాజమౌళి ఉపయోగపడగా ఇప్పుడు ఆయన తెరకెక్కిస్తున్న ఈ ఆర్ఆర్ఆర్ సినిమా కూడా మనోడికి వరంలా మారింది. విషయం ఏమిటంటే ఈ సినిమా నార్త్ థియేట్రికల్ రైట్స్ తో పాటు ఈ సినిమాకు సంబంధించి అన్ని భాషల డిజిటల్ శాటిలైట్ రైట్స్ ను పెన్ మూవీస్ అనే సంస్థ కొనుక్కున్న సంగతి తెలిసిందే. ఇప్పుడు ఇదే పెన్ మూవీస్ సంస్థ బెల్లంకొండ సాయి శ్రీనివాస్ తో ఛత్రపతి రీమేక్ సినిమా చేస్తోంది. 

నిజానికి ఈ సంస్థకు బాలీవుడ్లో మంచి పేరు ఉంది.. గతంలో చాలా పెద్ద సినిమాలు ప్రొడ్యూస్ చేసిన చరిత్ర కూడా ఉంది. కానీ నిర్మాతలు ఎవరికీ తెలియక పోవడంతో దీనికి పెద్దగా క్రేజ్ అయితే ఏర్పడలేదు. ఇప్పుడు ఈ సంస్థ రాజమౌళి సినిమా హక్కులను కొనుక్కోవడంతో ఖచ్చితంగా ఈ సంస్థ ఏమిటి అనే విషయం అందరికీ అర్థమవుతుంది. అదే తనకు కలిసొస్తుందని భావిస్తున్నాడు బెల్లంకొండ బాబు. ఎందుకంటే ఆ సినిమా రిలీజ్ అయ్యే వరకు రిలీజ్ అయ్యాక కూడా ఈ సంస్థ పేరు మీడియాలో మారుమ్రోగుతూ ఉంటుంది, తరువాత అదే సంవత్సరం నుంచి తన సినిమా కూడా ఈ సంస్థ వస్తే దాని క్రేజ్ వేరే లెవల్ లో ఉంటుందని బెల్లం బాబు ఆశిస్తున్నాడు.