నాగచైతన్య మరో సినిమా షూటింగ్ కూడా మొదలు పెట్టాడు. శేఖర్ కమ్ముల ఈ సినిమా తర్వాత ఏ హీరోతో సినిమా చేస్తాడు అనే ఆసక్తికర చర్చ జరుగుతోంది. అయితే ఆయన సీనియర్ హీరో వెంకటేష్ తో సినిమా చేయనున్నాడు అంటూ మొన్నటిదాకా ప్రచారం జరిగింది. అందుకు తగ్గట్టుగానే ఈ అరణ్య ప్రీ రిలీజ్ ఈవెంట్ కి వెళ్ళినప్పుడు కూడా స్టేజ్ మీద పక్కన ఉన్న వెంకటేష్ త్వరలో సినిమా చేయాలని అనుకుంటున్నట్లు చెప్పాడు.

 అయితే అలా చెప్పడం తో ఇంకా ఆయన వెంకటేష్ తో సినిమా చేయడం ఖాయం అంటూ ప్రచారం మొదలైంది. ఈ సినిమా చేస్తారో చేయరో అనే విషయం పక్కన పెడితే ఇప్పటిదాకా అందుకు సంబంధించిన చర్చలు మాత్రం జరగలేదని అంటున్నారు.. అయితే కమ్ముల మాత్రం మరో కుర్ర హీరోతో సినిమా చేసేందుకు చర్చలు జరిపినట్లు సమాచారం. ఆ కుర్ర హీరో మరెవరో కాదు మెగా బ్రదర్ నాగబాబు కుమారుడు వరుణ్ తేజ్.. గతంలో వీరిద్దరి కాంబినేషన్ లో వచ్చిన ఫిదా సినిమా సూపర్ హిట్ గా నిలిచింది. ఇప్పుడు మళ్లీ వీరిద్దరూ కలిసి మరో సినిమా కోసం పని చేయనున్నారు అని అంటున్నారు. అయితే ఇది నిజమా లేక ఒట్టి ప్రచారమేనా అనేది మాత్రం తెలియాల్సి ఉంది.