తేజ దర్శకత్వంలో రిలీజ్ అయిన వెయ్యి అబద్ధాలు అనే సినిమాతో టాలీవుడ్ ఎంట్రీ ఇచ్చిన ఈ భామ ఆ తర్వాత భీమవరం బుల్లోడు, గరం, తర్వాత జూలియట్ లవర్ ఆఫ్ ఇడియట్ లాంటి తెలుగు సినిమాలు చేయగా ఇతర భాషల సినిమాల్లో కూడా హీరోయిన్ గా నటించింది. అలాగే ఈ భామ హీరోయిన్ గానే కాక సింగర్ గా కూడా పేరు తెచ్చుకుంది. లాక్ డౌన్ టైం లో కొన్ని ఆల్బమ్స్ సైతం చేసి జనం మీదకు వదిలింది. అయితే తాజాగా ఆమె సంగీత దర్శకురాలిగా పరిచయం కాబోతున్నట్లు ప్రచారం జరుగుతోంది. 

ఒక కన్నడ సినిమా ద్వారా ఆమె సంగీత దర్శకురాలిగా పరిచయం కాబోతోందని చెబుతున్నారు. శ్రేయాస్ చింగా దర్శకత్వం వహిస్తున్న ఒక లవ్ స్టోరీ సినిమాకు తాను సంగీతం అందించానని అలాగే సినిమాలో రెండు పాటలు కూడా తాను రాశానని ఆమె స్వయంగా చెప్పుకొచ్చింది. దీనికి సంబంధించిన అధికారిక ప్రకటన ఈ ఆదివారం వెలువడే అవకాశం ఉందని కూడా ఆమె పేర్కొంది. ఆమె నటించిన షకీలా సినిమా ఈ మధ్య రిలీజ్ కాగా మరో మూడు నాలుగు సినిమాలు రిలీజ్ కి సిద్ధంగా ఉన్నాయి.