ఆయన వ్యూహాలు అమలు పరిచేందుకు గాను మంత్రి తలసాని శ్రీనివాస్ యాదవ్ ను ఎన్నుకున్నట్లు తెలుస్తోంది. కులాల లెక్కల ప్రకారం చూస్తే ఇక్కడ యాదవ ఓటు బ్యాంకు ఎక్కువగా ఉంది. ఈ నేపథ్యంలోనే సదరు మంత్రిని కేసీఆర్ నియోజకవర్గానికి పంపినట్లు తెలుస్తోంది. ఆయన ఎన్నికలు పూర్తయ్యే చివరి వరకు అక్కడే ఉండి కేసీఆర్ ఆదేశాలను తు.చ తప్పకుండా పాటిస్తూ పార్టీ గెలుపు కోసం పనిచేయనున్నారు అని చెబుతున్నారు. ఇప్పటికే ఇద్దరు రెడ్డి సామాజిక వర్గ నేతలకు ఎమ్మెల్సీ టికెట్ ఆఫర్ చేసిన కేసీఆర్ యాదవ సామాజిక వర్గం నేతలను కూడా బుజ్జగించినట్లు చెబుతున్నారు. 

వారితో నేరుగా ఫోన్లో మాట్లాడిన కేసీఆర్ తలసాని శ్రీనివాస్ యాదవ్ ను కూడా వారి వద్దకు పంపినట్లు తెలుస్తోంది. దీంతో వీరంతా కలిసి ఎన్నికల్లో గెలుపు కోసం పని చేయనున్నట్లు చెబుతున్నారు. మరో పక్క కాంగ్రెస్ బీజేపీలు సైతం ఇక్కడ గెలవాలనే పట్టుదలతో ఉన్నాయి. దాదాపు ఇప్పటిదాకా పోటీ చేసిన అన్ని ఎన్నికల్లో డిపాజిట్లు సైతం కోల్పోతూ వస్తున్న కాంగ్రెస్ ఇక్కడ జానారెడ్డి పోటీలో ఉండడంతో ఆయన మీద నమ్మకం పెట్టుకుంది. బీజేపీ చివరి వరకు బలమైన అభ్యర్థిని దింపుతుందని భావించినా జానారెడ్డి అనుచరుడికి టికెట్ ఇవ్వడంతో ఇప్పుడు గెలుపు మీద అనుమానాలు వ్యక్తమవుతున్నాయి.