ഹരിപ്പാട്; ദേശീയപാതയിൽ സൈക്കിൾ യാത്രികനായ വിദ്യാർഥിയെ രക്ഷിക്കാനുള്ള ശ്രമത്തിനിടെ കാർ നിയന്ത്രണം വിട്ട് മറിഞ്ഞ് 5 പേർക്ക് അപകടത്തിൽ പരിക്കേറ്റു. തിരുവനന്തപുരം കാട്ടാക്കട സ്വദേശികളായ താജുദീൻ(40), ഷിബിലി(40), ആഷിക്(22), ഷെമീർ(36), ജ്യോതിഷ്(36) എന്നിവർക്കാണ് അപകടത്തിൽ പരിക്കേറ്റത്. പരിക്കേറ്റവരെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. കരുവാറ്റ കന്നുകാലിപ്പാലത്തിനു സമീപമായിരുന്നു അപകടം ഉണ്ടായിരിക്കുന്നത്. പുന്നപ്രയിൽ നിന്നു കാട്ടാക്കടയിലേക്ക് പോകുകയായിരുന്നു കാറിലുണ്ടായിരുന്നവർ. ആരുടെയും പരുക്ക് ഗുരുതരമല്ലെന്നു പൊലീസ് പറഞ്ഞു.
Post Your Comments