అయితే ఈ సినిమా ట్రైలర్ రిలీజ్ అయ్యాక చాలామందిలో అనేక అనుమానాలు మొదలయ్యాయి. హిందీ పింక్ లో అమితాబచ్చన్ క్యారెక్టర్ పవన్ కళ్యాణ్ చేస్తున్న నేపథ్యంలో అసలు ఈ ఫైట్స్ ఎక్కడి నుంచి వచ్చాయి ? అలాగే మిగతా అంశాలు చాలా మార్పులు ఉన్నట్లు కూడా వాళ్ళు గమనించి రకరకాల కామెంట్లు చేస్తున్నారు.  ఈ విషయం మీద తాజాగా వేణు శ్రీరామ్ క్లారిటీ ఇచ్చాడు. ఒక రీమేక్ అంటే ఉన్నది ఉన్నట్టుగా మక్కీకి మక్కీ చేయడం కాదని దానిని మన తెలుగు ఆడియన్స్ ఎలా చూడాలి అని భావిస్తారో అలా తీర్చిదిద్దుతూ అదే సమయంలో చేస్తున్న హీరో ఇమేజ్ కు తగ్గట్టుగా మార్పులు చేర్పులు చేయాలని చెప్పుకొచ్చారు. 

ఇక ఈ సినిమా కథ విషయంలో పవన్ కళ్యాణ్ కూడా చాలా సూచనలు చేశారని కచ్చితంగా ఈ కథలో ఆయన హ్యాండ్ కూడా ఉందని చెప్పుకొచ్చారు. అలాగే ఇది కచ్చితంగా మెగా ఫ్యాన్స్ కి పండగ లాంటి సినిమా అవుతుందని ఎందుకంటే ఒక డై హార్డ్ పవన్ కళ్యాణ్ ఫ్యాన్ ఈ సినిమా తీశాడు అని ఆయన చెప్పుకొచ్చారు. ఈ సినిమా విషయంలో పవన్ కళ్యాణ్ హ్యాండ్ కూడా ఉందని వెలుగులోకి రావడంతో ఈ సినిమా మీద మరిన్ని అంచనాలు పెరుగుతాయి అని అనడంలో ఎలాంటి సందేహం లేదు.