అయితే ఈ సినిమాను 2022 సంక్రాంతికి విడుదలయ్యేలా ప్లాన్ చేస్తున్నామని నాగార్జున పేర్కొన్నారు. ఒకవేళ సంక్రాంతికి విడుదల చేయటం కుదరకపోతే వచ్చే ఏడాదికి పోస్ట్ పోన్ చేసి 2023 సంక్రాంతి వచ్చేలా చూసుకుంటామంటున్నారు. ఎందుకంటే 2016 సంక్రాంతికి విడుదలైన 'సోగ్గాడే చిన్నినాయన' నాగార్జున కెరీర్ లో మరపురాని హిట్ గా నిలిచింది. అందుకే ఈ ప్రీక్వెల్ ను కూడా సంక్రాంతికి రిలీజ్ చేయాలని భావిస్తున్నట్లు తెలుస్తోంది. 

ఈ 'బంగార్రాజు'లో నాగార్జున తో పాటు నాగచైతన్య కూడా నటించబోతుండటంతో సినిమాపై అంచనాలు భారీగా పెరిగాయి. ఇక నాగార్జున నటించిన వైల్డ్ డాగ్ సినిమా రేపు రిలీజ్ కాబోతున్న కారణంగా ఆయన ఇప్పటికే మరో సినిమా షూటింగ్ కూడా మొదలు పెట్టాడు. ప్రవీణ్ సత్తారు దర్శకత్వంలో ఆయన ఒక సినిమా చేస్తున్నాడు.  ఈ సినిమా షూటింగ్ ప్రస్తుతం గోవాలో జరుగుతున్నట్లు సమాచారం. అయితే వైల్డ్ డాగ్ సినిమా ప్రమోషన్స్ కోసం షూటింగ్ ఆపేసి మరి వచ్చినట్లు తెలుస్తోంది.