ఇక పవన్ విషయానికి వస్తే ఎంతసేపు చంద్రబాబును కాపాడటమే టార్గెట్ గా పనిచేస్తున్నాడనే ఆరోపణలకు కొదవేలేదు. 2019 ఎన్నికలకు ముందుగానీ తర్వాత బీజేపీతో పొత్తు పెట్టుకునేంతవరకు చంద్రబాబు జేబులో మనిషిగా చెలామణి అవటానికే పవన్ కష్టపడుతున్నట్లు వైసీపీ నేతలు చేసిన ఆరోపణలు అందరికీ తెలిసిందే. మొన్నటి ఎన్నికల్లో రోడ్డుషోల్లో పవన్ మాట్లాడుతూ జగన్మోహన్ రెడ్డికి ఓట్లేయద్దని చెప్పటం అందరికీ తెలిసిందే. అధికారంలో ఉన్న చంద్రబాబును వదిలేసి ప్రతిపక్షంలో ఉన్న జగన్ కు ఓట్లేయద్దని పవన్ చెప్పటంలో అర్ధమేంటో. ఇక తిరుపతి ఉపఎన్నికలో డిపాజిట్ తెచ్చుకుంటే బీజేపీకి అదే గెలిచినంత. అందుకు పవన్ సహకారం లేకపోతే సాధ్యంకాదని బీజేపీ చీఫ్ సోమువీర్రాజు డిసైడ్ అయినట్లున్నారు. అందుకనే కాబోయే సీఎం పవనే అంటు ఓ బిస్కట్ వేసేశారు. అవసరార్ధమే పవన్ను బీజేపీ మునగచెట్టెక్కిస్తోందన్న విషయం అర్ధమైపోయింది. ఇవన్నీ గమనించిన తర్వాతే విజయసాయి ట్రయాంగిల్ లవ్ స్టోరీ అన్నట్లున్నారు.