ఆ విషయాన్ని పక్కన పెడితే ప్రమోషన్ విషయంలో ఈ సినిమా మరో రికార్డు సృష్టించింది అని చెప్పవచ్చు. మునుపెన్నడూ లేని విధంగా ఎవరూ ఊహించని విధంగా ఈ సినిమా యూనిట్ ప్రమోషన్స్ చేసుకుంది. మీడియా, డిజిటల్ మీడియా, ఎంటర్టైన్మెంట్ చానల్స్ ఇలా దేన్నీ వదలకుండా జాతి రత్నాలు అనే పదాన్ని వీళ్ళు జనాల్లోకి తీసుకు వెళ్లగలిగారు. అయితే మరో ఆసక్తికర విషయం తాజాగా వెలుగులోకి వచ్చింది.. అదేమిటి అంటే తెలుగులో యూట్యూబర్స్ చేత ఈ సినిమా యూనిట్ ప్రమోషన్స్ చేయించింది. అంటే వాళ్లు ప్రమోషన్ చేస్తున్నారని కూడా జనానికి అర్థం కాకుండా ప్రమోషన్స్ చేయడం ఆసక్తికరంగా మారింది..

మిగతా భాషల వాళ్లతో పోలిస్తే తెలుగు యూట్యూబ్ కమ్యూనిటీ చాలా చిన్నది. కరోనా సమయంలో ఖాళీగా ఉండే చాలామంది యూట్యూబర్స్ గా మారారు. అలాగే అంతకు ముందు నుంచి ఉన్న యూట్యూబర్స్ తో కలిపి ఇప్పుడు జాతిరత్నాలు ప్రమోషన్స్ గట్టిగా చేసినట్లు తెలుస్తోంది. జాతిరత్నాలు సినిమా చూడమని నేరుగా చెప్పకుండా ఆ యూట్యూబర్స్ తమ వీడియోలో ఈ జాతి రత్నాలు పేరు ప్రస్తావిస్తూ జాతి రత్నాలు పేరుతో థంబ్ నెయిల్స్ పెడుతూ ఎవరికీ అర్థం కాని విధంగా ప్రమోట్ చేసినట్లు చెబుతున్నారు. ఇలా రకరకాలుగా ప్రమోషన్ చేయడంతోనే ఈ సినిమా సూపర్ హిట్ సాధించింది అనే వాదనా లేకపోలేదు.