మోహన్ రాజా ఈ రీమేక్‌కి దర్శకత్వం వహిస్తారని ఇప్పటికే అధికారిక ప్రకటన వచ్చింది. ఇక తాజా అప్‌డేట్ ఏమిటంటే చిరంజీవి ఇటీవల బాబీ తన కోసం చెప్పిన కధకు ఆమోదం తెలిపారు. ఈ ప్రాజెక్ట్ గురించి అధికారిక ప్రకటన కూడా త్వరలో రానుంది. అయితే దీనికంటే ముందు వేదాళం సినిమా రీమేక్ కూడా చిరంజీవి చేయాల్సి ఉంది. మెహర్ రమేష్ దర్శకుడిగా రీ ఎంట్రీ ఇస్తున్న ఈ సినిమా స్క్రిప్ట్ వర్క్ కొన్ని నెలల క్రితం పూర్తయింది. చిరంజీవి ఫైనల్ గా ఆమోదం తెలిసినప్పటికీ ఎందుకో కానీ ప్రాజెక్ట్ ఆలస్యం అయింది. 

లూసిఫర్ రీమేక్ అలాగే బాబీ మూవీలు ఖరారు అవడానికంటే ముందు మెహర్ రమేష్ ఈ సినిమా కధ చిరంజీవికి చెప్పి ఒప్పించాడు. అయితే ఇప్పుడు ఆయనకు షాక్ ఇస్తూ చిరంజీవి బాబీ సినిమా ముందు చేయాలని నిర్ణయించుకున్నట్లు తెలుస్తోంది. బాబీ సినిమాతో పాటు వేదాళం రీమేక్ కూడా ఒకే సారి షూట్ చేయడానికి చూస్తున్నారట. అలాగే ఈ రెండు సినిమాలను రెండు నెలల వ్యవధిలో విడుదల చేయడానికి కూడా ప్రణాళికలు సిద్ధం చేస్తున్నారు. ఈ ప్రాజెక్ట్ గురించి అధికారిక ప్రకటన కోసం మెహర్ రమేష్ ఆసక్తిగా ఎదురుచూస్తున్నారు. వేదాళం రీమేక్‌ ను ఎకె ఎంటర్టైన్మెంట్స్ సంస్థ నిర్మిస్తోంది.