అయితే అలా చేయడం వలన సినిమాలకు సంబంధించిన టైటిల్స్ ముందే బయటకు వెళ్ళి పోతున్నాయని నిర్మాతలు తమ గోడు వెళ్లబోసుకున్నారు. ఈ అంశం మీద ఫిలిం ఛాంబర్ పెద్దలు తాజాగా సమావేశమై ఒక కీలక నిర్ణయం తీసుకున్నట్లు తెలుస్తోంది. అదేమంటే ఇకమీదట ఇలా అన్ని టైటిల్స్ ని ముద్రించడం ఆపేయాలని దీనిని కాన్ఫిడెన్షియల్ ఇన్ఫర్మేషన్ కింద ఎవరికీ తెలియకుండా రిజిస్ట్రేషన్స్ చేయాలని ఈ నిర్ణయం తీసుకున్నట్లు సమాచారం.

 ఒకవేళ టైటిల్ రిపీట్ అయ్యే అవకాశాలు లేదా టైటిల్ దగ్గరగా ఉన్న సందర్భాలు ఉంటే రిజిస్ట్రేషన్ కోసం వచ్చిన వారిని ముందే హెచ్చరిస్తారు అని అంతే కానీ బయటకు మాత్రం రివీల్ చేసే పరిస్థితి ఉండదని అంటున్నారు. ఒక రకంగా చూస్తే ఇది సినిమా వాళ్లకు ప్లస్ పాయింట్ అనే చెప్పాలి.. ఎందుకంటే సినిమా అనౌన్స్మెంట్ మొదలు ప్రతి అంశాన్ని ప్రమోషన్ కోసం వాడుకుంటున్న నేటి రోజుల్లో సినిమా టైటిల్ ముందే రివీల్ అయ్యే అంశం కాస్త ఇబ్బంది పెట్టేది. కానీ ఫిలిం ఛాంబర్ తాజా నిర్ణయంతో ఆ అంశం కొంతవరకు క్లియర్ అయినట్లు చెప్పాలి.