హెరాల్డ్ సెటైర్ : ఈ ఆక్టోపస్ బాధేమిటో అర్ధం కావటంలేదే ?

అసలు బీజేపీకి జగన్ ఏ విధంగా మద్దతిస్తారు ? పైగా లోపాయికారీగా ఒప్పందం చేసుకున్నట్లు చెప్పేశారు. అంటే బీజేపీ, వైసీపీ ఒకటే అని ఈ ఆక్టోపస్ జనాలకు చెప్పదలచుకున్నారు. గతంలో కూడా బీజేపీ+టీడీపీ మిత్రపక్షాలుగా ఉన్నపుడు కూడా జగన్ కమలంపార్టీతో కలిసేందుకు ప్రయత్నిస్తున్నట్లు పెద్దఎత్తున ప్రచారం చేసింది ఎల్లోమీడియా.  బీజేపీతో జగన్ చేతులు కలపటం వల్ల మైనారిటీలంతా వైసీపీకి వ్యతిరేకంగా తయారవుతున్నారని పదే పదే ఊదరగొట్టారు. బీజేపీతో జగన్ కలిస్తే వైతిరేకమైన మైనారిటిలు, మరి చంద్రబాబుకు వ్యతిరేకం అవ్వరా ? లేకపోతే అయ్యారా ? అనే కామన్ సెన్సు పాయింట్ ను కూడా ఆలోచించలేదు. జనాలకు వాస్తవాలు ఏమిటో తెలుసుకాబట్టే ముస్లిం మైనారిటిలు మొన్నటి ఎన్నికల్లో  టీడీపీ గూబపగలగొట్టారు.

ఇపుడు కూడా నరేంద్రమోడిపై జనాల్లో పెరుగుతున్న వ్యతిరేకతను వైసీపీ మీద మళ్లించేందుకు ప్రయత్నాలు మొదలుపెట్టినట్లుంది ఎల్లోమీడియా+టీడీపీ+ఆక్టోపస్. అందుకనే బీజేపీ, జగన్ మధ్య లోపాయికారీ ఒప్పందమనే బురదచల్లుడు మొదలైంది. నిజానికి ఇలాంటి లోపాయికారీ ఒప్పందం బీజేపీ, చంద్రబాబు మధ్య ఉంటందనే ప్రచారం అందరికీ తెలిసిందే. కమలంపార్టీతో లోపాయికారీ ఒప్పందాన్ని కుదుర్చుకోవటం చంద్రబాబుకే ఎక్కువ అవసరం. ఎందుకంటే మోడికి దగ్గరవ్వాలని చంద్రబాబు తెగ ప్రయత్నిస్తున్న విషయం అందరికీ తెలిసిందే. అంటే చంద్రబాబు బండారం ఎక్కడ బయటపడుతుందో అనే ఆందోళనను కప్పిపుచ్చుకుని దాన్నిజగన్ పై తోసేసే ప్రయత్నాలు మొదలయ్యాయని అర్ధమైపోతోంది.