కొద్ది రోజుల క్రితం అసెంబ్లీలో కేసీఆర్ మాట్లాడుతూ ఆంధ్రప్రదేశ్ అభివృద్ధిలో వెనుకబడిందని రియల్ ఎస్టేట్ పెట్టుబడులు కూడా ఏపీకి వెళ్లడం లేదని చెప్పుకొచ్చారు. తెలంగాణలో ఎకరా ఏపీలో రెండు ఎకరాల తో సమానం అని కేసీఆర్ చెప్పుకొచ్చారు. ఉమ్మడి రాష్ట్రంలో రెండు మూడు ఎకరాలు కొనేవారు అని, కానీ ఇప్పుడు అంత రివర్స్ అయిందని ఇక్కడ ఎకరం అమ్మి అక్కడ రెండు మూడు ఎకరాలు  కొంటున్నారని చెప్పుకొచ్చారు. అంటే గతంలో పోలుస్తూ ఏపీ ఇప్పుడు పూర్తిగా డౌన్ అయింది అనే విషయాన్ని కేసీఆర్ అసెంబ్లీ వేదికగా చెప్పడం ఇప్పుడు చర్చనీయాంశంగా మారింది. ఈ అంశాన్ని ఇప్పుడు టీడీపీ అస్త్రంగా మార్చుకుంటుంది. 

ఇప్పటికే సోషల్ మీడియా వేదికగా పెద్ద ఎత్తున ట్రోల్ చేస్తూ వీడియోలు వైరల్ చేస్తుంది. ఇంత జరుగుతున్నా జగన్ నిద్రపోతున్నాడు అంటే అర్థం వచ్చేలా ఈ వీడియోలు ఉన్నాయి. ఇక ప్రచారంలో కూడా ముఖ్యంగా ఇదే అస్త్రాన్ని తెలుగుదేశం పార్టీ వాడుకోవాలని భావిస్తున్నట్లు తెలుస్తోంది. అంటే జగన్ మోహన్ రెడ్డి పరిపాలన తిరోగమన దిశగా వెళుతోందని ఒకప్పుడు చంద్రబాబు సమయంలో ఉన్న రేట్లు అన్ని ఇప్పుడు తగ్గిపోయాయని, కేవలం నిత్యావసర వస్తువుల రేట్లు పెంచి పబ్బం గడుపుకుంటున్నారు తప్ప రాష్ట్రాన్ని అభివృద్ధి చేసే విధంగా ఎలాంటి ప్రయత్నాలు చేయడం లేదు అనే అంశాన్ని జనాల్లోకి తీసుకువెళ్లడానికి తెలుగుదేశం ప్రయత్నం చేస్తోంది.