టాలెంట్ ఉంటే బయట వాళ్ళని కూడా వీళ్ళు ప్రోత్సహిస్తారు అదే టాలెంట్ లేదు అని భావిస్తే లైట్ తీసుకుంటారు. అంతే కానీ జనం మీద రుద్దే పని చేయరు అని అంటున్నారు. తాజాగా ఈ కుటుంబంతో బీరకాయ పీచు బంధుత్వం ఉన్న ఒక కొత్త కుర్రాడు ఎంట్రీ ఇచ్చాడు. పవన్ తేజ్ కొణిదెల పేరు గల ఈయన కథలో పాత్రలు కల్పితం అనే సినిమాతో నిన్న టాలీవుడ్ తెరకు పరిచయం అయ్యాడు. చిరంజీవి తండ్రి సోదరుడి మనవడు అయిన ఈయన చిరంజీవికి వరుసకు కొడుకు అవుతాడు. తాను మెగాహీరోనని చెప్పుకుంటున్నాడు కానీ ఇప్పటి వరకు నేరుగా ఎవరు సపోర్ట్ చేయలేదు. కనీసం సోషల్ మీడియా వేదికల ద్వారా కూడా పెద్దగా ఈయన గురించి ప్రస్తావించిన దాఖలాలు లేవు. 

నిన్న ఈ సినిమా రిలీజ్ అయిన సంగతి కూడా జనానికి పెద్దగా తెలియదు. అయితే తాను మెగా ఫ్యామిలీ వ్యక్తి అని చెప్పుకోవడానికి ఈ కుర్రాడు గట్టిగా ప్రయత్నిస్తున్నాడు కానీ దాని వల్ల ఫలితం కూడా కనబడడం లేదు. నిన్న సినిమా కూడా పెద్దగా జనానికి ఎక్క లేదు అంటున్నారు. చిరంజీవి పవన్ కళ్యాణ్ ని ఇమిటేట్ చేస్తూ పాత సినిమాల్లో చిరంజీవిలా ఉన్నావని అంటూ కొన్ని డైలాగ్స్ తప్ప ఈ సినిమాలో చెప్పుకోదగ్గ విషయాలు ఏవీ లేవని అంటున్నారు. అదీగాక ఈ సినిమా ప్రీ రిలీజ్ ఈవెంట్ లో ఈ కుర్రాడు పవన్ కళ్యాణ్ తన బాబాయి అని జనానికి చెప్పుకోవడం కోసం ''ధైర్యం కోసం ఆయన ఇచ్చిన షర్ట్ వేసుకున్నాను అంటూ ఆయన వ్యాఖ్యానించే సరికి జనం కాస్త అతిగా ఫీలయ్యారు. అయితే ఎన్ని ప్రయత్నాలు చేసినా సినిమా మాత్రం ఆకట్టుకోవడంతో భారీ డిజాస్టర్ మూటకట్టుకోవడం ఖాయమని చెబుతున్నారు.