മഞ്ചേരി; ബാറിലും പോലീസ് സ്റ്റേഷനിലും അക്രമം കാണിച്ച പ്രതികളെ മഞ്ചേരി പോലീസ് അറസ്റ്റ് ചെയ്തിരിക്കുന്നു. വ്യാഴാഴ്ച മഞ്ചേരിയിലെ സ്വകാര്യ വ്യക്തിയുടെ ബാറിൽ പ്രശ്നമുണ്ടാക്കുന്നതായി വിവരം ലഭിച്ചു സ്ഥലത്തെത്തിയ മഞ്ചേരി പൊലീസ് ഇന്‍സ്പെക്ടർ കെ.പി. അഭിലാഷിന്റെ നേതൃത്വത്തിലുള്ള പോലീസ് സംഘത്തെയാണ് പ്രതികൾ ആക്രമിച്ചത്.
പൂക്കോട്ടുംപാടം സ്വദേശി സാബിത്ത്, പൂക്കോട്ടുംപാടം പള്ളിക്കുന്ന് ഉബൈദ് , മഞ്ചേരി വായ്പ്പാറപ്പടി സ്വദേശി അരുണ്‍, മഞ്ചേരി തുറക്കല്‍ സ്വദേശി ഒറവമ്പ്രം ഓട്ടുപാറ ഷഹീന്‍ ഷാ , പൂക്കോട്ടുംപാടം സ്വദേശി സുഹൈര്‍ എന്നിവരെയാണ് മഞ്ചേരി പൊലീസ് അറസ്റ്റ് ചെയ്തിരിക്കുന്നത്.
രാത്രി എട്ട് മണിയോടെ ബാറിലെത്തിയ പ്രതികള്‍ മദ്യപിച്ച് ബാര്‍ ജീവനക്കാരുമായി തര്‍ക്കമുണ്ടാവുകയും ജീവനക്കാരനെ മദ്യക്കുപ്പികൊണ്ട് ആക്രമിക്കുകയുമായിരുന്നു. ഫര്‍ണിച്ചറും മറ്റും നശിപ്പിക്കുകയും ചെയ്തു.പൊലീസ് വാഹനത്തിന്‍റെ കണ്ണാടി അടിച്ച് തകർത്തു. രണ്ട് കേസുകള്‍ രജിസ്റ്റര്‍ ചെയ്തു.
Post Your Comments