స్వాతంత్రోద్యమానికి ముందు 1920 సమయంలో జరిగిన కథగా రాజమౌళి తీస్తున్న ఈ సినిమా మంచి యాక్షన్ తో కూడిన కమర్షియల్ ఎంటర్టైనర్ గా రూపొందుతోందని, అలానే రిలీజ్ తరువాత తప్పకుండా అందరి అంచనాలు అందుకుని అతి పెద్ద విజయాన్ని సాధించడం ఖాయం అని యూనిట్ ఆశాభావము వ్యక్తం చేస్తున్నట్లు తెలుస్తోంది. అయితే ఈ సినిమా యొక్క ప్రధాన కథలో కొంత కల్పితాన్ని జోడించి తాను తీస్తున్నాను అంటూ ఇటీవల రాజమౌళి చెప్పారు. ఆ ఇద్దరు వీరులు యువకులు గా ఉన్న సమయంలో ఒకవేళ కలిస్తే ఏమి జరిగి ఉండవచ్చు, అలానే వారి వారి వీరపరాక్రమంతో ఏ విధంగా తెల్లవారి పై విరుచుకుపడ్డారు అనే దాని పైనే ఎక్కువ భాగం సినిమా నడుస్తుందని టాక్. 

ఆ విధంగా వారిరువురినీ సూపర్ హీరోల మాదిరిగా రాజమౌళి చూపిస్తున్న విధానం నిజంగా ఎంతో అద్భుతంగా ఉంటుందని, రేపు తెరపై వారిని చూసిన ఆడియన్స్ తమ హర్షద్వానాలతో వారికి జేజేలు పలకడం ఖాయం అని చెప్తున్నారు. ఇప్పటికే షూటింగ్ చివరి అంకానికి చేరుకున్న ఈ సినిమా ఈ ఏడాది దసరా పండుగ సందర్భంగా అక్టోబర్ 13న రిలీజ్ అవుతోంది. మరి దాదాపుగా చాలా విరామం తరువాత రాజమౌళి తీస్తున్న ఈ సినిమా ఏ మేరకు సక్సెస్ అందుకుంటుందో తెలియాలి అంటే మరికొన్ని నెలల వరకు ఆగాల్సిందే....!!