అయితే అటు పంచాయతీ ఎన్నికలు ఇటు మున్సిపల్ ఎన్నికల్లో వైసీపీ గెలుపు ఎగరవేయడానికి వాలంటీర్ లు ప్రధాన పాత్ర పోషించారని భావిస్తున్న తెలుగుదేశం పార్టీ అందుకు తగ్గ వ్యూహం ఒకటి సిద్ధం చేసిందని ప్రచారం జరుగుతోంది. అదేమిటంటే చాలా చోట్ల మున్సిపల్ పంచాయతీ ఎన్నికలలో మధ్యాహ్నం వరకు మాకు అనుకూలంగా పోలింగ్ జరిగినా సరే మధ్యాహ్నం నుంచి వాలంటీర్ల ప్రవేశంతో పరిస్థితి మారిపోయిందని గ్రహించినట్లు తెలుస్తోంది. మధ్యాహ్నం వరకు చూసి పోలింగ్ కు రాని వాళ్లందరినీ వారిని ఇళ్లకు వెళ్లి మరి లాక్కొచ్చి ఓట్లు వేయించారు అని టిడిపి భావిస్తున్నట్లు తెలుస్తోంది. 

అందుకే వాలంటీర్ కి ఎలా అయితే బాధ్యతలు అప్పగించారో అలానే ఒక టీడీపీ కార్యకర్తకి కూడా బాద్యతలు అప్పగించే అవకాశాలు కనిపిస్తున్నాయని అంటున్నారు. ఆ 50 కుటుంబాలకు ఉన్న వాలంటీర్ ఏం చేస్తున్నాడు అనే దాని మీద ఒక కన్నేసి ఉంచడంతో పాటు ఆ వాలంటీర్ పరిధిలో ఉన్న అన్ని కుటుంబాల ఓట్లు తెలుగుదేశం వైపు మళ్ళించడానికి ఆ కార్యకర్త పనిచేసేటట్లు గా కసరత్తులు చేస్తున్నట్లు తెలుస్తుంది. తిరుపతి లోక్ సభ పరిధిలో తమకు మంచి పట్టు ఉంది అని తెలుగుదేశం భావిస్తోంది. అందుకే 50 కుటుంబాలకు ఒకరు చొప్పున ఒక కార్యకర్తలు నియమించి, ఆరు నూరైనా ఈ సీటు గెలవాలని ప్రయత్నాలు చేస్తున్నట్లు చెబుతున్నారు. అధికార వైసీపీ కూడా గెలుపు మీద ధీమాతో ఉంది వాళ్ళు ఎలా అయినా మెజారిటీ పెంచుకోవాలని చూస్తున్నారు.